20/9 哩日終於要離開京都返大阪啦 唔知點解已經好不捨:( 可能真係太鍾意京都啦! - 由於屋主下午一點就接待新一位客人 , 所以我就同佢講好10:00就走啦! 話說屋主真係唔話得, 由於係入住既第二日, 我懷疑因為我袋垃圾有食物包裝 , 可能因為咁惹左小強黎!!! 雖然好細隻, 得指甲咁大, 但對於我哩種見到小強只係識9叫既人黎講已經好大件事!!! 但自己一個去得旅行, 就要預左有咩要自己解決... 唉...只好忍住..拿拿聲搵紙巾一野捉左佢零秒掉去廁所沖走, 又幾容易捉喎...諗住佢會好進擊咁走得好快... 由於覺得再留袋垃圾係房唔得啦.. 但日本掉垃圾唔可能亂掉, 我又唔覺住既附近有邊度可以收集 唯有問屋主啦, 於是佢就叫我紮好袋垃圾, 擺係G/F, 第二日會過黎Apartment順便幫我解決喎!!! 真好>< 然後先知原來住個區只會星期一、四有人黎收集垃圾! 同埋住既附近係有場地收集架!! - 後來到個日夜晚返去, 發現屋主準備左枝殺虫水!!! 真貼心 不特止... 仲幫我換過晒床鋪, 收拾好D野... 屋主其實話過係我住既期間唔會黎收拾, 而且個晚明明已經係我最後一日住既一晚, 比著我係屋主我會諗: 住多一晚姐! 客人走左先一次過收拾啦!!! 點知佢黎到Apartment幫我處理垃圾之後, 仲順便收拾埋!! 所以哩位屋主真係不得了!!! 同時我都好唔好意思, 好似比到麻煩屋主!! ---------------------------- 返回正題~ 走個日屋主亦都駕車送返我去山科駅, 沿路亦都傾下計, 講開我係做咩, 同埋係咪請假去旅行 於是我就有講下, 係香港, 大多數人一年只係得7日大假好少! (包括我T^T) 屋主都話日本人通常都係一星期大假, 但有D細公司有時可能唔比請假TIM!! 0_0 同埋佢話日本人工作好大壓力, 唉, 我只可以講一句.. 咪同香港一樣..T^T 又係我睇你好~你睇我好既時候 不過屋主而家已經同老婆有一間面包店~ 感覺生活得唔錯!! 然後我又講下香港D小朋友好早就要學野乜乜乜, 8個月大BB已經要上Playgroup堂, 佢好似好驚訝! 我又問佢日本D小朋友呢? 不過我唔係好聽得明佢答我咩...sosad :( 經過一輪最後的對話~ 就到達山科駅 ,要同屋主仲有京都say byebye啦:( 送左份小小的, 由香港帶去既禮物比屋主 就道別啦! ---------------------------------------- 因為時間尚早 , 去7-11買左盒冷面,蘋果汁就搵個地方坐低食左先~ 真係好鍾意食便利店冷面:P 然後就去坐JR往大阪啦~~ 沿途睇下風景都幾開心~ 到達大阪站~ 搭一個站去天滿JR站, 因為住宿係個邊~ 有關大阪住宿詳細: 【大阪住宿】*初嘗日式TATAMI* --------------------------------------------------------- 係民宿坐左一陣之後, 就出發去食野, 我要食火鍋! 其實係突然想食, 咁就上網搵下邊度有得食一人鍋, 見到有D台灣Blogger介紹難波個邊有 點知再上網搵間店已經無做啦!!! 咁就搵另一個網, 疑似openrice咁既野, 睇下難波有咩火鍋食~ 見到Namba Park有一間, 有吃到飽套餐~~評價又好似ok, 所以就去了 ------------------ Namba Parks係一個大型商場咁~ (無影相) 直上6/F~ 個層好多間野食 經過見到~愛辣既人見到"極辛''兩字會莫名興奮- - 好快搵到我要去既火鍋店啦~ 由於當時只係下午4:45, 所以冇人, 可以一個人霸四人桌:P 時間限食兩個鐘~ 有得任食雪糕!*_* 環境: Menu~ 叫左牛肉壽喜燒*_* 個餐入面包左既野食, 你都可以任叫既~ 所以叫吃到飽套餐 牛肉好靚~ 好好食*_* 點埋生蛋真係不得了! 食左兩碟:P 不過我覺得個湯或好咸呀 :( 重口味之選~ 定係其實壽喜燒係咁架?? (因為今次第一次食...) 食飽火鍋就食雪糕啦 , 居然有我最愛既蕃薯味呀!!! 我唔客氣啦 食到六點滿足咁走啦~ -------------------------- 係商場見到夾公仔店, 終於見到啦!!! 想夾好耐:P 點擊圖片放大 仲要見到蛋黃哥~~隻玉子蛋黃哥CUTE到爆呀!! 不過我夾左5次夾唔到就冇玩啦... 我諗係因為冇朋友一齊瘋狂夾既話 , 我就冇咁想夾... 所以我唯有將想瘋狂夾公仔的心, 轉去瘋狂扭蛋 其中的收穫 之後離開Namba Parks啦 諗緊去邊好? 就記得好出名個固力果人係哩頭架喎~ 咁就去睇下啦! 順便一路行下~ ---------------------------- 又係好出名食既店, 不過我冇食啦~ 好熱鬧... 點擊圖片放大 +2 見到啦~ 成堆人堆係哩個位呀!! 未去心Dry橋都知道一定多人架啦~ 冇諗過多成咁, 年宵咩? 決定一個轉身離開~ 返歸了! 可能因為本身住緊既地方-香港已經好多人好迫, 去到旅行真係無興趣再去迫同見到咁多人 哩刻.. 又掛住京都了哈哈! 雖然清水寺金閣寺哩D出名景點真係多人到HIHI, 但其他時間我一律覺得舒服寧靜>< 當然我唔係唔鍾意大阪啦~ 只係..我諗我冇咩必要都唔會再去心DRY橋個頭架啦~ 返到去沖沖下涼，突然聽到有男人聲係咁嗌konichiwa, 咁應該係新住客，沖完涼行到出去見到就大家介紹下~ 原來就係住我隔離房既"Jesus" :p 兩位來自西班牙巴塞隆拿既旅人 由於當時屋主同staff都唔係度， 所以當時我就好似staff咁接待佢地 haha 佢地已玩日本兩星期 好羡慕.. 然後佢地就出去啦，話因為得兩日係大阪所以要爭取時間~ 而我就返房攤了~ --------------------------------------- ~DAY 6完~
