大阪住宿依然係用Airbnb Book , 其實本來冇特別諗住要住tatami , 黎到大阪對於住宿都冇乜特別要求, 漫無目的地睇.... 當我見到哩間叮噹房, 就比佢深深吸引左!!!*V* 好得意呀 可惜我要Book個幾日, 哩間房已經比人Book左啦.... :( 咁唯有睇下房東其他房啦, 因為懶得再睇其他住宿, 好花多眼亂選擇困難呀哈哈 見到有TATAMI訓喎!! 仲係獨立房間, 用左Airbnb優惠, $775訓三晚, 都可以接受既, 於是就Book左啦~ 而佢既賣點, 係離大阪最長商店街"天神橋"非常近, 因為咁我就認識左個新景點 天神橋 啦~ --------------------------------- 民宿位於JR天滿站 / 地下鐵扇町站附近~ 其實屋主已經講得好清楚點行架啦! 正常10mins都行到去, 明明一出站, 之後基本上直路轉個彎就係 但身為豬一般的旅人, Get錯左屋主既意思, 當然又迷下路啦! 於是花左半個鐘先去到!! 按完門鐘~就見到屋主滿面笑容咁迎接你啦~ 屋主幾靚女:P 另外有個Staff , 幫我手搬左個行李上2樓, 真係唔該晒>< 屋主再簡單介紹下屋內設施等等, 就要出去Meeting, 我就一於hea一陣先啦 ------------------------------------- 第一次訓TATAMI, 表示有點興奮, 其實張床鋪都幾舒服, 冷氣亦都舒服 , 所以日日都訓得好好 點擊圖片放大 +2 推開哩道門之後, 就係隔離間房啦! 所以唔好亂推哈哈, 私隱度其實就麻麻架啦, 不過我唔知係咪tatami特色黎呢? 床頭燈~ 對我黎講好有用, 夜晚會覺得安心D~ 話說每人間房門口都掛住你個名既牌~ 我隔離房住左Jesus喎!!!! 哇耶穌訓我隔離房呀!!!!!!!! (後來發現係兩名西班牙人:p) ------------------- 2樓有三間房, 上多一層三樓都仲有房,不過唔知幾多間 大家都係Share哩個洗手間架啦~ 其實..真係幾迫下! 關埋門之後, 塊面就快貼門, 而且好難先關得埋, 想開返門又要用D力, 我次次都好驚整爛人地道門, 索性唔關到最埋, 自己Hold住道門算-v- 聽住三樓既馬來西亞母女講, 有次個媽媽要大叫求救, 因為開唔到門..哈哈! 所以我地通常都寧願行落G/F既洗手間! 闊好多(無圖) ------------------------------------------------ G/F 既Common Room 有一晚坐左落去, 睇佢D旅遊書, 一心諗住R水吹架嘛, 點知太早一路都冇人XD 個日個個都好夜先返到.... 公用廚房 有洗衣機實在係太好~ 另提日本D洗衣粉好香好好聞... D衫係個度洗完, 返到香港再著, D味仲係度~~香噴噴YEAH~ 而公用既沖涼房得G/F有, 一間架咋! 有人沖要等~ 好采我日日都唔洗等姐! 不過講真啦, 沖涼室環境一般~ 門口~ 總結一下 - 初嘗日式tatami, 係一個好既入住經歷黎既! 房好舒服, 訓得好舒服 - 環境整體清潔度OK, 除左沖涼房我覺得一般之外~ - 屋主好NICE , LINE 問佢野好快答到你, Airbnb msg就慢D, 可以叫佢介紹下有咩玩~ 英文亦都好好, 溝通不難, 睇返佢Profile都識幾多語言架! 亦都知佢間唔中會係民宿搞下Party, 但我今次遇唔上, 又冇緣參加啦! - 位置好方便! 其實行5-10mins到就可以到扇町站 天神橋商店街直頭2mins就到~ 亦都有好多食店, 重點係開到好夜/24小時! - 價錢方面, 如果冇airbnb優惠, 其實我覺得幾貴下:p 冇記錯係大約$300 先住到Tatami單人房 不過每個人接受度唔同啦~ 我D Friend就覺得算平喎~ 總括黎講~我係推薦既! 但對於要私隱度高既人黎講就不太適合啦! 因為隔離房唔知既話, 真係會無啦啦開左道門架haha! ------------------------------- ~~大阪住宿篇~~完
