19/9 去完手作市集之後 係祗園個邊食完野就出發到伏見稻荷 當時下午4點鐘, 係祗園四条站搭京阪電車, 五個站就會到伏見稻荷站, 諗住去到, 行大約兩個鐘可以上到稻荷山睇日落, 然後天黑落返黎, 諗得好完美... 結果7事發生, 就係無睇清楚個架係咩車就上, 好上唔上, 上錯架特急, 直去大阪個邊:o) 一路望住外面瘋狂飛站真係好灰-_- 只怪自己唔睇...唯有當遊車河睇風景:o) 一停站即刻飛奔去對面搭返轉頭.....當時已經就快5點:( 預計去到伏見稻荷已經六點... 我係度諗, 好冇照去 但明明伏見稻荷係我京都最期待既地方! 所以唔理~我要去呀>< 雖然一諗起夜晚先行上去就覺得陰森恐怖... -------------------------------------- 一到達車站已經感受到該區既特色 (明明有影相, 但唔見左張相><) 出去之後要經過一條街 (有食店, 精品店等等) 之後先會去到神社門口! 由於到既時候已經六點, 黃昏啦~ 天其實都好快黑, 所以都冇閒情逸致去行下精品店, 直奔神社 不過發現, 都有唔少人而家哩個時候先黎, YEAH~ 點擊圖片放大 黎到哩度, 行程重點就係"千本烏居" 開始行啦~ 當時唔知點解唔開閃光燈影相.. D相模到一個點..唉-__- 雖然天未黑齊, 但其實條路已經好暗 因為太暗, 一堆人想係盞燈個個位影相, 哈哈 (包括我) 因為一路都仲有唔少人向上行~ 諗住都好, 有堆人比我跟住, 自己一個行太恐怖啦~ 不過想像到日頭應該多好多人~ 難D會影到冇人行緊既千本烏居 一路上見到既鳥居都有刻住捐款者既姓名或機構既名稱 , 因為以前黎哩度許願既人會捐錢, 係神社境內起個烏居表達對神明既敬意, 而令到哩度有數量咁驚人既鳥居~ 想像一下, 身邊冇其他人跟住, 真係得自己一個係度夜遊千本鳥居的話...真係一個字..驚! 然後天好快黑... 本來都有好幾組人一路上緊, 咁我當然跟啦! 但一路越黎越多人折返, 好快得返小貓三四隻, 我雖然好想登上稻荷山, 但始終敵不過心中的淆感, 位置都算係深山, 所以環境寧靜, 入夜天氣又涼涼的, 再配合紅色鳥居, 完全係可以用陰涼, 陰森黎形容 所以我都折返了...:( 下次再黎啦!!! >< ----------------------------------------- 落返黎先識開閃光燈影相... 點擊圖片放大 +4 再見啦~我會再黎架! 點擊圖片放大 其實都滿足地離開~ 算係感受左夜晚既伏見稻荷~ 夜晚行千本鳥居其實都好有FEEL呀!! (恐怖FEEL) 走既時候都有唔少人岩岩先到 去行千本鳥居架!! 不過人地一班Friend行~我一個就唔啦><! 毒毒的又唔敢問人可唔可以一齊行喎! 所以約定朋友下次黎 日頭夜晚都陪我行一次~哈哈~ 唔知佢地到時係咪真係肯啦! ----------------------------------------- 走就搭JR啦~ 返到京都駅又係去高質快餐店搞掂~ 咖哩吉列豬扒烏冬!! 又平又好味 返到去既宵夜, 100YEN~ 超市買既兩大塊魚餅, 抵! --------------------------------- ~DAY 5 ~ 完
