同朋友兩個都係食辣愛好者 所以其中一晚就黎到太和殿試佢既麻辣火鍋 , 可說是最期待既一餐!!❤V❤ 據網上稱 , 好多港台明星鍾意黎哩度食e.g郭富城、周杰倫、劉德華..... 咁就一定要試下啦!! -------------------------------------- 內觀: 一入去仲諗咁細間架咋咩?? 但後來發覺我太天真啦~ 原來有道門推開之後, 隔多條巷仔仲有架 ------------------------------------------------------------- 同朋友點左個鴛鴦鍋, 唔辣個邊專要黎滾菜~ 雖然價錢好似偏貴, 但唔理了, 今餐預左要豪食架啦!! 店員有細心介紹 左邊係豬骨湯 右邊係牛, 所以加湯的話又唔同架~ 圖中綠色果碟係佢地既蒜花, 要比錢架~~ 官網有講到調製方法: http://www.taihodien.com.tw/chafingdish/sauce 的確會更加好味~!! 我同朋友仲傻傻的去醬料區拎豉油, 根本唔需要~ 因為個湯底已經超夠味!!! 滾起來啦*v* 另外, 麻辣湯內本來就會有豆腐同疑似豬紅食, 重點係, 可以無限添加!!! 我超級鍾意食豆腐, 朋友超級鍾意食豬紅, 兩人表示: 正呀喂!!!!! 仲要好入味呢~~ 我地點既配料: 生菜 -> 金菇 -> 杏鮑菇 -> 霜降牛肉 仲有碟大白菜無影到 頭三樣正正常常啦, 要講一講霜降牛肉 因為佢好貴 哈哈, 不過值既, 因為一食, 覺得多汁又柔軟, 配埋個麻辣湯真係不得了!! 我只能夠學電視劇美味天王片頭咁講一句: 好好味呀~~~~~~~~~ 後來再上既配料: 羊肉 -> 火鍋拼盤 貪得意點左既果碟火鍋拼盤, 我覺得麻麻地.... 店員有介紹分別係咩黎, 但我唔記得啦T^T 只係記得有隻芋頭丸幾好食! 哩個時候, 朋友跌左隻筷子落地, 我仲叫佢 自己出去拎過對啦你! 點知哩個時候店員瞬間用左1秒就拎左對筷子過黎!! 給他一個讚~~~哩度店員服務態度全部都好好~^^ --------------------------------------------- 食既同時, 我地都有留意下其他人叫D咩食, 發覺每個都有叫 油炸鬼! 嗯....又有藉口返黎啦, 下次要試下! 今餐的確好滿足, 個湯底越滾越好味, 所以食乜都覺得好食架啦! 埋單合共2080台幣!!! 的確係貴啊..... 不過我地表示 絕對會再返黎食! ------------------------------------------ 太和殿 地址: 台北市信義路四段315號 (捷運信義安和站下車) 官網: http://www.taihodien.com.tw/
