9/5 星期六, 同朋友傾傾下計, 無啦啦話不如襯開學之前去個小旅行, 三日兩夜啦!! 比佢聊起左鋪隱, 於是就無啦啦上E_p_d_a網望下D套票, 由於真係突然好想去, 所以想選擇最快既平日去, 姐係11/5 見到機票加住宿大約$1450一個人 仲要坐長榮早機去晚機返喎! 雖然唔係非常平, 但咁趕買之下..都算接受到既價錢! 於是就無啦啦買左... 有D衝動哈哈!! 但可以說走就走既時間..真係冇乜架啦!!! >< 三日兩夜絕對唔過份啦^^ 雖然比呀爸話我痴線.... 不過我地都覺得自己傻左, 11/5~13/5去 好似會打風落雨喎!!!!焗都焗到爆啦!?!? 點知最後係 得第一日落左陣雨, 第二日仲要係涼爽天氣!!要著外套既, 第三日就好好天有太陽!!! 真係happy happy啦!!! --------------------------------- 點解我會話套票唔算好平, 係因為要住Dorm既, 仲要係Mix Dorm, 認真Female Dorm就試過, Mix Dorm真係第一次, 不過今次有朋友陪OK既! 位置係民權西路站 街道昌吉街 由捷運站行去大約7mins 名為 Lucky One Hostel 白色個幢就係啦! 門口幾靚BOR, 幾有格調 大堂座位 由於Hostel 係新開既, 所以所有野都好新淨 感覺唔錯 仲有種我幾鍾意聞既傢私味== 不過我認為男Reception 欠左D笑容啦, 辦理Check-in個時 第一感覺會令我地覺得唔太Friendly, 冇我地印象中果種台灣人既熱情 第二日見到個女仔就笑容好好多, 感覺Nice 好多 ----------------------------------------- Reception Counter上有張需知比住客睇, 我地睇完以為清楚晒, 但我覺得有D野佢地可以再提一提住客... E.G 需知寫住最遲入住時間係11pm, 我同朋友一路以為意思係新住客最遲11pm check-in 點知後來同房既香港人話比我地聽, 11點佢地係會關門, 直程係落閘關門 第二樣係 以為上到房有位就訓得 原來每個床位係有個英文字母, 我地條key寫住A就應該要訓返A床 我同朋友仲見有位就訓, 但又咁岩訓岩左喎=.= 房內: 房內LOCKER: 床頭燈+充電位Nice~ 但我個位唔知點解充唔到電- -要比朋友拎去佢床位幫我充T^T 走廊~ 行到尾有裝水機 第二晚同朋友訓唔著, 但同房又訓晒, 唔想嘈到人於是落左去坐, 時間係凌晨12:00 坐坐下有個住客推門而入= = 說好的11:00PM門禁呢?? 總結一下 , 初嘗住Mix Dorm, 住之前同朋友覺得: 玩自己咩, 一定好唔方便啦, 又唔知講唔講野好(毒毒mode) , 又驚比人偷野乜乜乜 住之後覺得: 比想像中好, 第一晚都同到同房香港人傾下計咁, 同埋各位旅人都好自律, 以後去旅行想住平住宿都可以再試住(但當然價錢差唔遠一定選擇返Female Dorm) 不過一樣野!! 有人打鼻鼾就慘過乜, 我仲提朋友帶耳塞, 結果大家都唔記得帶, 朋友係熟睡, 我就醒下訓下咁.. 對於Lucky One Hostel , 我同朋友住完總結感想: 好: 我地都覺得枕頭同張床都好舒服, 朋友更加表示舒服過酒店!! 冷氣舒服!! -而且唔會比訓上隔既人翻身果D嘈到, 幾扎實!! -整體乾淨, 所有野夠新淨, 設計時尚有格調 -地點都唔差, 附近有7-11 , 捷運站公車站都好方便 壞:- 有D設施未整好, 例如第一日入住發現廁所會水浸!! 不過第二日住就無左哩個情況啦~雖然排水都有待改善 -員工可以再加多D熱情,笑容就好啦!!! -房間內冇垃圾桶要行出去掉垃圾 可能因為佢地新開啦!! 遲D會越黎越好既~ 不過同樣價錢的話, 我諗下次我會試下其他:P 因為今次買套票最平係佢:P 但唔差既!!
