平時約朋友去街, 多數都係去行街買野,睇戲食飯乜乜乜 平時有假期, 多數就係要去旅行! 唔理去邊, 總知就要往外跑~~我唔要留係香港 好啦而家我辭左職啦, 諗住應該襯機會去個長旅行啦! 但由於年尾仲有兩次旅行, 所以我老豆同我個銀行戶口話比我聽, 唔準去旅行! 所以就襯哩個暫時退休日子, 拎住相機, 周圍行下,影下哩個..雖然已經居住左好多年,但根本唔係話十分認識既 香港 其中一日就去左大澳, 搵到兩個同樣無聊既朋友同行, 用遊客既Mode 遊下大澳 對上一次去大澳, 已經係中二既事, 當時跟學校考察, 好似係要睇白海豚, 之後做Project 對大澳已經無印象.... ---------------------------------- 去大澳當日好好天, 仲要有D涼風, 正呀 首先由屯門碼頭出發 , 係網上Check左時間表, 就決定搭11點鐘船去大澳~~ 坐左下層, 幾乎全部係公公婆婆啊~ 其實下層唔好坐, 我覺得海風舒服過冷氣, 下層又無得睇景 所以回程坐左上層 --------------------------------- 唔記得坐左幾耐~ 到大澳啦 好曬~~~ 影一張 老人與海 點擊圖片放大 +2 行入去街, 搵野食!!! 未食午餐的三人表示好肚餓~~ 太餓, 見到有間食店就衝入去 雖然肚餓, 但唔知點解突然好想食餐蛋冶, 所以只係叫左哩個加杯紅豆冰 廢話食評: 蛋冶普通正常味啦! 紅豆冰有好多紅豆, 幾滿足, 完。 -------------------------------------- 食飽就行啦!! 由於遊客Mode on~ 所以乜都影一餐 點擊圖片放大 +7 係哩度影緊相既時候, 對面公公婆婆笑住同我地say hi, 好nice啊~~~ 之後無得再前行啦, 再行就闖入民居(好似係), 所以行返轉頭先 跟住哩隻狗狗行~~~ 條街有D韓國既FEEL 點擊圖片放大 +5 過橋到對面~ 話說係度有對情侶 (佢地唔係相入面) 男既幫個女影相, 個女狂轉Pose影影影, 雖然唔係影好耐, 不過都有好幾個人等佢影完過對面架~ 佢居然係度"jip jip"聲.... 咩事先!? -__- ------------------------------------------------------- 帶人觀賞棚景既船仔~ 必影既水上屋~ 途經見到雞蛋仔! 點擊圖片放大 在大澳~ 周圍都見到有人曬野 , 蛋黃,蝦醬,咸魚Etc..... 點擊圖片放大 我都想踩單車啊~~~ 咩Party ??? 點擊圖片放大 好適合哩度氣分的悠閒貓貓~ 點擊圖片放大 +4 哩度超舒服啊!!! 好想坐一個下午~ 聽住海聲 行緊去, 大澳文物酒店 本來想去間餐廳, 望住海咁食個Tea 但睇海既位比人坐曬啦~ 所以走啦 點擊圖片放大 +5 休息中的狗狗~ 點擊圖片放大 +3 哩個時候相機無電啦~~~CRY~~~~ :( 好COOL呀貓貓~~~ 點擊圖片放大 對大澳唯一有印象係哩個... 中二個時黎都有影~HA D字好靚~:) 行到有D累, 見到有一間寫住有棚景睇既~~~GOGOGO~~ 點左杯菠蘿冰爽一爽~~ 再同朋友一齊Share豆腐花~~ 望住棚景, 周圍又好安靜, 真係坐得好舒服 開到相機影左兩張又冇電 哩個屋好靚~~好有味道 坐左都唔知幾耐, 太舒服!! ------------------------------------- 一間幾型既店, 入邊賣自家設計野,衫呀袋呀相機帶等等 都值得去睇睇:) 講得好 : ) ---------------------------------------------------- 點擊圖片放大 +2 曬尤魚 :p 係哩度見到有張通告, 話係當日有拍攝可能會造成不便 不過我地遇唔到, 唔知拍咩呢 點擊圖片放大 +11 一路上.....條路都好似得我同朋友3個係度行行行, 好寧靜! 不過都間唔中見到1,2個其他 應該係住係度既人 , 係度見到以前香港人既鄰里關係, 個個都係打開晒門, 唔小心望左入去一眼, 都會同你微笑 而家市區都可能有既...不過少囉:( 我細個既時候都係咁架...但而家? 隔離屋都搬過好多戶人啦.. 而家個個姓咩都唔知, 見到都唔會打招呼.... 唉....好冷漠...點解會咁冷漠? 而且記起細個 放學一定係落公園同其他小朋友玩...無論識唔識, 玩玩下就玩埋一堆.... 而家既小朋友 仲有幾多會係咁? 之前係做教肓中心... 見到D小朋友一放學就黎學野, 星期一至日都見佢黎學, D家長, 一到兩歲就推個小朋友黎學野, 問完兩歲有咩好學, 講完仲嫌你少野比佢小朋友學... 兩歲喎...想點姐? 我答你佢可以學琴之後去考8級鋼琴好無? 真係唔明D家長心態... 又要麻煩成龍圖出一出黎 不過唔排除D小朋友會Enjoy學咁多野, 但..童年係咁架咩..睇唔透..... D家長,明明兩個都係香港人, 又要同D小朋友用全英文溝通 ,又唔係講得好喎...做咩姐? 真係鄧個小朋友可憐, 搞到佢第時都會中英都係半桶水... um...突然有感而發, 完全Off topic Tim..... ------------------------------------------------------ 紅白藍間, 幾型既屋 行行下又食.... 買左一串, 又幾好味! 話說.... 我地都有小小因為想食炭燒雞蛋仔而黎! 但四點幾見到檔野諗住買啦! 伯伯話已經無啦:( 嗚哇...唯一遺憾, 唔緊要...下次再黎 ----------------------------------------------------------------------- 本來仲以為好細冇咩行, 以為我地三點幾四點就會嗌要走.. 點知行到成5點先夠皮... 依老豆既吩咐~去左買蝦醬比佢作"手信" 亦都買左枝 紫貝天葵 飲~~酸味味好好飲呀! -------------------------------------------- 由於船6點鐘先黎! 我地就去左碼頭坐下, Hea下, 吹海風 點擊圖片放大 黃昏時分 再來一張 Sweet既老人與海 :p 6點鐘船準時來到~ 當然要衝去坐上層啦!! 本來以為會訓~ 但吹住咁舒服既海風, 望住D咁靚既景 真係唔洗訓! 飛機~~~~ 好鍾意飛機~ 代表住每一個旅程既開始 狂影...唉...相機有電咪好囉:( 點擊圖片放大 +5 遙望機場... 不知不覺就到屯門碼頭啦~~~ 結束大澳半日遊! 其實香港都係一個好靚好獨特既地方 不過可能住係度, 好少會特登去欣賞 隔離飯香 哩句說話真係講得無錯... 旅行就是從自己活膩的地方到別人活膩的地方去 哩句都講得好中... 有時無聊睇下其他地方人黎香港既遊記, 發現有D野佢地睇得仲仔細, 反而我去睇佢地既遊記而知道... 所以有時間 都不防得閒就去下香港唔同地方來個短旅行:P ---END---
