13/3 ~ 14/3 頂唔順一日假期都冇既三月 某日突然想同朋友返廣州行下 , 同埋搵間酒店嘆返兩日一夜, 因為平時去旅行都唔住酒店, 伏行即將開始... --------------------- (我覺得夜晚外觀比較靚) 點擊圖片放大 +2 ------------- 當日其實大約下午三點幾去到啦, check-in 都算快既 房卡 講返重點先, 今次用左hkd$494 就入坐到豪華雙人間 ! 除返兩個人, 住酒店黎講都幾平!! 而且會包早餐! ---------------------------- 上到去其實好興奮!! 因為現實與圖片相符 * 走廊應該係造到有太空艙感覺 個垃圾桶, 凌空係上面用手掃一掃, 就會感應自動開 sorry, 大鄉里表示覺得好高科技! ------------- 哩間酒店 每層都係唔同星球作主題 我地入住既係土星 其實好想住水星主題囉! 藍色好靚! 入到去, 房間完全同圖片一樣!! 正 兩個大鄉里痴左線猛咁影乜都影 點擊圖片放大 +3 洗手間簡單左D..不過無咩所謂啦 個浴室好時尚! 一路沖涼, 仲有野可以播放 亦都有唔同功能 (雖然我較完都唔知有咩分別) 影完一輪, 坐下, 越坐越唔對路, 咁熱既喂? 自以為開左冷氣, 點知原來係暖氣, 但點較都係熱, 反正要出去行, 順便落去同D Staff講, 點知佢地既回答..我真係R晒頭! Staff : 因為現在天氣比較冷, 所以房間只提供暖氣，沒有冷氣啊。 喂... 我果刻真係成龍咁既樣! 首先, 對於酒店會無冷氣...可能見識少 我真係聞所未聞.. 你而家唔係落後地區呀嘛大佬! 而且外面而家講緊係16-20度, 仲要係有風所以覺得涼, 係涼, 都唔至於凍 入到室內, 係會焗架.....不過都好釆...間房有窗開既... 有一扇窗咁囉.... 於是我居然問個Staff , 我地真係覺得好焗, 你地有冇風扇? 個Staff明顯唔小心表露左一下恥笑我既樣子, 然後循例問下咁, 之後話叫我地而家出去行先, 返酒店先再搵佢 ----------------- 夜晚返到去, 個Staff 聲稱幫我地間房整勁左個抽氣, 會冇咁焗 不過我地覺得唔關事, 純焠因為夜晚涼左, 個扇窗都幾有用既..... 不過朋友就話成晚熱醒左兩次, 慘, 我就不嬲係邊都可以訓得gurgur聲....-_- 不過對於哩間酒店既Staff, 有件事聽到真係得啖笑 就係有個外國女人 (哩間酒店勁多外國人住) 投訴電視冇英文Channel , 個Staff既答覆真係世界級: If you feel boring, you can go out.^^ um..如果我平時返工用哩個態度答D客, 唔知比人小到幾時先收得線. 不過突然覺得 我同朋友都唔係D咩麻煩客..HAHA 咁你個網明明係話 每間房都會提供冷氣架嘛!! 香港人成日比人話係投訴之都, 其實我覺得有時候, 係爭取返自己應有既野 -------------------------------- 第二日一早去食早餐 其實住得都算平, 所以都唔期望有咩食, 選擇係少, 不過都夠架啦 味道唔會好食, 不過仲要係..攤凍既~ ----------------------------- 臨走之前坐係哩度hea左陣, 期間想去洗手間, 我理想中既酒店大堂洗手間, 乾淨係基本啦係咪? 點知一入去.... 我都係出返去先! 真係不敢恭維! 話說走之前, 唔記得問下個Staff到底咩月份先開冷氣 不過無論點, 我覺得我都唔會再黎 其實間酒店係幾有Style, 幾時尚, 幾新穎, 幾靚既! 不過衛生, Staff態度哩兩方面已經令我同朋友唔想再黎 我真係冇試過咁想返香港! 同朋友係哩兩日一夜, 好似夾埋都講左幾次想返香港 仲以為可以用便宜既價錢嘆返下, 睇黎我諗多左 返到香港個下, 直頭想大嗌I LOVE HK 但重點係...只係去左兩日一夜... 之前每一次旅程, 有邊次會係想走 想返香港? ---------------------------------------- 離題一下 , 唔講伏野, 講返D好少少既, 哩次旅程 兩樣令我開心既野 同朋友極鍾意食哩個 拔絲地瓜 好開胃! 仲有一樣, 係每次返上黎 同朋友都好鍾意坐既 覺得比香港既紅VAN更HIGH , 今次好豪咁 每次出入都坐佢, 其實都幾貴! 不過其中一次遇到痴線佬, 話我地香港黎, 佢就話 我都係香港架!你地香港邊度架? 我九龍城架^^ 喂~大家都係香港, 比多10蚊, 關照下呀? 喂.... 我地笑笑口係咁揮手, 佢猛跟住我地, 勁驚啊大佬... 可能我地唔識玩, 不過我諗以後去廣州, 都應該只係會去長隆玩... ~~END~~
