14-2-2015 SAT DAY 5 出發前曾比朋友串 你情人節學咩人自己去旅行呀! 心諗..無論去唔去旅行..哩日都唔關我事架啦!! (CRY) ---------------- 好唔願意地..到LAST DAY啦:( 旅行永遠都過得咁快 先係房間食埋個早餐! 幾好食, 7-11買 最後收拾下行李, 再用埋畢生力氣 先關得埋個GIP, 唉, 好心我冇咁大個GIP就唔好學人買咁多野! 搞掂好, 就離開民宿啦 :( 一出去, 發覺天氣暖左好多, 而且個太陽同D情侶一樣咁曬, 所以其實都幾熱. -------- 雖然民宿可以寄存行李, 但諗起走個時都要係台北車站走, 廢事返黎又出去 決定拎去台北車站寄存. 淡淡定咁去到台北車站, 一路行一路睇D寄存行李既櫃都係FULL, 心諗 唔X係掛!? 結果真係搵唔到位, 於是去網上D人都話要行比較遠既 寄存行李房! 其實行落都唔算遠, 點知一去到發現令人絕望既牌.....what the ___ ? 之後有個女仔行到黎, 同我既反應一樣都係what the ___?? 於是同個女仔一齊行返去車站再搵下有冇... 喂..Last day行程係咪就係寄存行李之旅? 果刻勁有衝動想拎返去民宿- - 但同屋主道別左又返去係有小小7 !所以都係唔咁做 個女仔以為我係韓國人, 話完係香港人之後, 佢就表示自己係廣東人, 馬上轉廣東話channel, 好親切 同樣玩5日, 但佢玩埋台中, 感覺好趕 --------------------- 一路行行行行, 最後係台北車站往新光三越方向搵到有locker有位啦!! 話說都要講句 好采只係帶20吋GIP先放得落! 個位廣東女仔帶24吋擺唔落.. FEEL到佢好絕望..但又幫佢唔到..只可以幫佢搵下仲有咩地方有! 嗚哇, 搵地方寄存都搞左成差唔多8個字先成功, 我下次都係乖乖地擺係民宿= = ----------------------------- 然後要出發去我既行程重點! 尋回四年前的味道~~ 講到好浪漫咁, 其實係四年前曾經同家人求其入左一間食店, 覺得好好味, 搞到我掛住到今時今日! 但又唔係好記得點行, 只記得係 美麗信花園酒店 附近! 所以今次去 係一定要返去食 在 忠孝新生 站落車之後, 其實要行一段路 好好采! 我好快搵到啦! 就係哩間小辣椒 想瘋狂叫野食! 叫左豬舌 , 油豆腐, 乾拌板條, 一枝乳酸 全部都好好食! 不過我影得有D衰 四年前好似影得比較好.... 其實, 有可能係因為當年第一次到台灣 哩間係第一餐, 所以先咁深刻 不過 我覺得我以後去台北 都一定會返黎食一餐!!! 唔識形容食店位置, 食店附近: ----------------------------- 最後一日無咩特別行程, 上網見到 好多人推介到東區行街, 於是就出發~ 途經見到這....嗚...好掛住你呀...克羅地亞:( 然後唔知行左去邊, 見到BARBIE CAFE, 覺得女仔會鍾意去 之後行去地下街, 坐低休息時 一男一女行埋黎, 話係唔知咩線上雜誌 想做個採訪, 問可唔可以阻我一分鐘 但我未答佢就開始問-_- 問題係 最近有一名台灣女仔, 話擇偶首要條件係月薪要有7萬台幣, 你對哩件事有咩睇法? 咁我就廢UP左幾句啦, 哈哈, 都幾有趣既.... 到最後我都唔知佢有冇擺上網, 不過冇人識都冇咩所謂! 返黎同朋友分享, 原來有兩位朋友之前去台北 ,都係係東區比人訪問過 -------------------------- 覺得冇咩好行, 就決定返台北車站, 去行地下街 不過又肚餓, 所以又食牛肉面:P 其實已經冇咩心情行街, 因為就快要返現實的香港:( 突然心情低落, 有小小癡線= = 去撘車之前, 聞到好香, 買多個咖啡面包食先! ---------- 坐返國光客運返機場, 又係好舒服既一程, :( 要離開啦 ---------------------- 返到機場 , 入禁區後冇野做, 當然又食 - - * 出到你既食物後, 哩塊牌會響, 咁樣拎野食都幾好! 由於冇睇清楚餐牌 就點左小籠包同魯肉飯 , 原來仲有湯果D跟既, 所以係...有D多野食既! (但我食曬)\ 上到飛機都再照食飛機餐... 好飽- - -------------------------- 返到香港即刻心情差- - 一諗起台灣既司機 好多都好好笑容仲可能會同你講 謝謝 然後返到香港 上左機場巴士 你見到既係個巴士司機同一個女仔講: 喂,你上唔上車架?你唔上我開架啦!!!!! 真係....um....對比可唔可以咁大....接受唔到.... -------------------------- 雖然我話旅行既時光都過得特別快, 但唔知點解 覺得今次有小小唔同, 可能每一分每一秒都屬於自己, 所以覺得好實在咁旅行 時間冇以前幾次旅行咁快過左, 雖然以前同朋友旅行都有自己去行既時間, 但今次係全程自己, 可能因為咁覺得好唔同 開始中毒啦... 我會唔會以後唔想同人去? ha ha ------------------------------------------- Taipei 2015 ~END~
