13-2-2015 FRI DAY 4 出發去玩之前, 隨便入左間叫"山西刀削面"到食野 (永康街) 點左 蕃茄牛肉刀削面 同一款小菜 小菜有好多款, 我簡左豆腐皮蛋*_* 好食! 食飽就出發到 烏來 啦!! --------------------------------------- 網上好多人教點去鳥來, 會話搭捷運到新店站再轉849客運 但亦都好多人話到新店站通常架車已經好爆 所以我就選擇係台北車站果邊上車, 不過個站唔太容易搵到 空無一人既巴士^^ 去到新店站就迫到爆 車程差唔多成一個半鐘, 終於到達烏來! 一落車真係覺得好舒服, 天氣好好, 好好太陽但又好涼爽!!! ----- 烏來 係相對地無咁多遊客既景點 所以行得好舒服好舒服~~推介HEA遊人 好多人會影相的橋 好鍾意小橋流水啊~ -----又見飛機雲 烏來出名溫泉, 不過今次無去 開始走到老街 行入一間, 賣好多 應該係台灣人兒時零食既店 驚見之前係克羅地亞整過既無聊紀念品= = 得意玩具 行完老街, 就去試下坐烏來台車! 搭哩架台車可以送你到烏來瀑布站 (唔記得幾錢一次:P) 上到車, 正呀喂頭位 ! 不過坐係司機旁邊, 都唔係話太好 - - 其實我理想中係 開得慢慢地, 等乘客可以悠閒望下風景咁 點知現實係 開得幾快 = = 有人仲要坐到嗌, 唔知以為玩緊機動遊戲! 點擊圖片放大 ------------------------------ 小溪流水聲 好好聽 SEND 哩張相比朋友, 佢話好有韓國feel~ 好多原住民服飾 無聊比錢抽左張 :p 烏來都有櫻花! 穿著原住民服飾既台妹~ 見到瀑布了 係哩度見到對夫婦, 想自拍但好似自拍得有小小fail 於是厚住臉皮話幫佢地影, 然後叫返佢地幫我haha 佢地話以為我係韓國人, 奇怪係之後我行行下 亦都有人同我講안녕하세요 係咪應該要開心架 hahahaa ---- 纜車, 不過當時無咩興趣上去就無上, 而家睇返又想上:p 沿路開始行返出去 ~ (原來條路叫情人路-_-) 點擊圖片放大 見到架粉紅色台車好靚! 不過咁影完全睇唔到囉... 烏來是原住民泰雅族的聚居 , 一路上見到好多哩d畫 點擊圖片放大 ------------------- 行到咁上下, 搵間cafe 坐下先! cafe環境: 再一次享受生活態度 寫下postcard, 懶係偽文青一下 今次買d postcard 好cute 坐左一個鐘多D, 慢慢行返去老街 食左有名的 山豬肉腸, 好香好好味! 再買左D麻糬作手信, 開始行返出車站. 傍晚的橋: 橋上三位普通聲量, 下面都聽得好清楚:P 行到一半覺得疑似搖搖地, 有少少淆想返轉頭, 但望一望車站, 反正MISS左班車, 咁繼續行啦 點擊圖片放大 +2 係時候離開, 好多人等返回台北既客運, 等唔到有坐位既車啦, 有得上就上 不過D路彎彎曲曲, 其實企都幾... 不過屯門友表示比輕鐵訓練到點Chok都唔會跌啦! 半個鐘車程後 係新店捷運站落車 其實我真係睇唔透d巴士, 幾時落車係要拍卡幾時唔洗...今次司機又話唔洗-- 之後唔知去邊好, 聽講大安森林公園捷運站好靚, 於是去望望 有D COSPLAY人 後來先發現影D相咁差 - 之後上左公園坐一坐, 哩張OUT FOCUS得幾靚, 所以無del :p 哩度好寧靜, 坐得好舒服 亦都覺得好岩D小情侶黎談心 一諗到哩點, 都係開始起行XD ------------------ 離開大安森林公園, 去左西門町, 覺得夜晚既西門町比較熱鬧! 見到有人求婚呀~~ 當然行埋去, 聽到男方講緊愛的宣言, 好SWEET呀 ----------------- 肚餓, 求其入左一間野食晚餐 哩次旅程成日求其, 所以全部都唔記得店名= = 點左一份排骨飯同青菜, 好多菜, 好健康HAHA 話說店員無啦啦遞左杯紅茶比我, 但我無叫, 其實我未飲 點知店員話:哎呀! 我遞錯了.... 算了 請你喝吧^^ 哈, 又益左我!! -------------------- 食飽飽繼續行 , 路經一間幾型既店 其實我目標係 Queen Shop (圖片轉自官網) 朋友推介我去既~ 果然D衫又平又靚, 料又幾好! NICE~ 懷住滿足心情返歸, 一路上好多街頭表演既年青人, 自彈自唱, 夾BAND ,跳舞等等 真係好青春又好有型呀!! ~~~~day 4完~~~
