12-2-2015 THUR ＊ DAY3 既然就住係永康街, 當然要去鼎鼎大名既 鼎泰豐本店啦 大約10點15分就去到, 都已經有人等位! 不過唔多人, 多數係韓國/日本人 等左大約5分鐘就有得入啦! 係咪因為一個人快D呢? :P 店員們全部都好好禮貌, 好好態度, 敬業樂業, 而且好貼心, 食得好開心^_^ 點左一份蟹粉小籠包和排骨面 食評 : 係好食, 但冇想像中咁好食, 可能期望太高啦! 食評: 好好味! 排骨好鬆軟 睇到都想食! 哩餐係成個旅程最貴既一餐>_< 不過都值既 但又唔會話一定要再黎囉! ----------- 岩岩好 食飽就收到屋主LINE我 話今日要轉過去既個間房已經清潔好, 咁就返民宿進行轉房~ 旅程後兩日既房間: 見到覺得好開心!!! 我覺得哩間仲靚囉, 價錢本身係比頭兩晚個間平架!! 首先, 有電腦已經正, 仲要有printer? 真係覺得好神奇! 仲要有隻cute cute鱷魚公仔陪我哩個毒L訓呢! 打開櫃, 仲有哩D日常生活既..唔算係必需品, 不過覺得好貼心!:) 牆上仲要有哩D得意壁畫, 令成間房好有生氣, 住得好開心, 好屋企FEEL呀>< 不過唯一唔好係, 冇窗, 令我有時唔知天光未~HAHA! 不過整體好滿意 住宿網址: https://www.airbnb.com.hk/rooms/4778061 ------------------------------------------------------------ 大約11點半再次出發, 其實食完野好飽, 但經過天津蔥抓餅, 又難得冇咩人排, 真係忍唔住要食! 點左一份 蔥抓餅加蛋加芝士! 本來仲覺得, 下!冇沙律醬架?好SAD呀! 點知一食, 哇好好味呀! 唔洗醬都掂! 極推介~ 而且好平!(唔記得價錢) 夜晚黎 晚晚經過都排長龍架! ----------------------------------- 真係出發啦.... 陽明山賞櫻之旅 *_* 首先搭捷運到 劍潭站 然後附近就有叫"紅5" 既客運站, 直到陽明山站! 不過小心去錯陽明山往劍潭總站果邊等車, 我就係咁..HA 車程大約半個鐘多D就到啦! ------------------------------------------ 本來諗住根據網上講, 搭一架唔記得幾號既遊公園車, 不過最後都係行路算~ ----多圖少字* 點擊圖片放大 +4 途經 美食廣場 點擊圖片放大 +12 滿足:D 雖然而家好多地方都有櫻花睇 但總係覺得 一定要去日本睇起碼一次, 仲要係睇櫻花滿開個種*_*! 行到累, 坐係度休息一下 ------------------------------------ 行到3點幾, 開始行返去出口. 坐返 紅5 客運 到劍潭站! 見到有疑似 明洞雞蛋仔既粟米燒喎! 一定要食啦! 味道幾似*_* 係附近Hea逛逛下一陣,又買左隻蕉生- - 之後就搭捷運走啦, 出發去師大夜市! ------------------ 係捷運上見到好靚紫色天空, um...影得有D Fail! 據朋友講 當時香港個天都係咁~ -------------------------------- 大約6點半到達師大夜市! 本來打算掃街, 點知途經86小店! 衝左入去..之後.. 哩度令我清空左個銀包 =____= 唉! 手機電又無, 銀包錢又無! 但我未買夠呀... 所以都係決定返一返民宿拎錢haha, 順便幫電話同個人叉電 ------------------------- 8點半再次出發 == 話說旅程出發之前係咁話要踩ubike, 點知最後都冇 -- 因為真係好肚餓, 都係乖乖地搵間店坐低食d野, 先再掃街啦! 點左一份豆腐皮蛋同5隻鍋貼, 5隻水餃,一杯豆漿 (其實都幾多) (水餃同豆漿遲黎冇影) 唔小心食飽左= =都係唔掃街了, 專心買野 haha 我愛師大夜市, 好多野都岩呀! 行到10點幾, 買到好滿足咁返歸! 返歸途中突然想食甜品, 諗起芒果冰, 但好出名個間好多人, 所以去左旁邊冇咁顯眼個間,當時時間10:45 問佢幾點收? 店員話: 11點鐘~~可是你慢慢食沒關係啊~~~^^ >< 點解可以咁好架, 比著係我哩D怨氣上班一族, 一定係答: 下唔好意思我地就收架啦! (再加心諗 走啦!唔好阻住晒收工!) 點左一份, 仲要有個布丁係面, 一個人隊晒成個芒果冰...表示好飽! 好滿足的一天! 雖然行左好多路, 但一D都唔覺累呀! 好ENJOY -- 話說到凌晨1點幾準備入睡既時候, 竟然聽到隔離房個住客係度播 撐起雨傘 喎! 有時仲唱埋~ 點睇都係香港人啦? 搞到好想過去敲佢門SAY個HI, 不過最後冇咁做-- 但佢無限loop左首歌成一個鐘...我有少少無奈 haha.. ~~DAY 3 完~~
