11-2-2015 WED - DAY2 訓到10點先起身, 但前晚9點幾10點就訓, 有冇人去旅行會去到好似我咁訓成12個鐘- -? HAHA 見天氣唔錯, 就決定去九份行下 真係好鍾意當日訓醒先諗去邊, 好Free啊~~~ -------------------- 整理好後, 接近11點半先出門, 見到間叫 豪記魯肉飯 ~衝左入去 點左一碗大魯肉飯(其實都唔大) 同一份豆腐~~ 簡單好食又便宜!! 唔知算係早餐定午餐= = 食飽又出發~~~ ------------------------- 去九份, 懶到爆既我選擇左先搭捷運去忠孝復興站 然後轉1062客運直接搭到去九份老街站落車! 個站都容易搵既 搭客運一來方便直到, 唔洗搭火車又再轉的士定巴士 同埋因為會經過高速公路, 而高速公路係唔容許有人企既, 所以上得車, 係一定有位坐!!!yeah~ 等左大約10分鐘~車就來啦 坐位都坐得好舒服~ 所以同我一樣懶既, 真係建議坐客運去, 班次都唔算疏 15-20分鐘一班 *搭車途經, 遙望台北101 ------------------------------------- 搭左我諗個半鐘掛, 就到達九份啦~~~ 開始進入老街, 惡夢既開始, 除左人同埋人之外, 都係人!! 所以一路都冇影相 好不容易行返去D少人既地方, HEA行下影D鄉村Style既風景相 好鍾意影/行落去哩D小巷/小路,總覺得會有驚喜 (不過今次冇囉) 哩D先係比人行既街嘛~冇咩人! 舒服~ 係哩度幫左2個日本人影相~ 影完佢地勁講日文既多謝加瘋狂90度躹躬, 搞到我都好唔好意思, 同返佢地躹就快躹到180度, 所以幾時都話日本人真係好有禮貌>V< 哩條街係真係靚~ 但真係好多人啊救命.. 點擊圖片放大 整下D Effect懶有feel 先~! 慢慢行返出去~抖下氣先大佬~ 買左份炸蝦球食! 幾好味啊~ 食完, 又走返入去條街, 行返上去頭先好鄉村feel果度, 毒L必影的到此一遊照~~不過有少少Fail ... 係咪櫻花黎?? 到4點幾左右~~~搵左間食店坐低嘆個Tea 絕對要要求坐露台位啦! 望住哩個景 簡直係生活態度... 唔記得坐左幾耐~ 開始起行 見到飛機雲啊~~~好靚! 點擊圖片放大 +2 燈籠開始著了~ 越夜越多人!!! 本來我都想等到入黑, 睇九份夜景, 因為好多人都話夜晚仲靚 但我真係唔想走得太痛苦, 所以乖乖地 , 6點就去到巴士站等車啦! 有機會再黎啦~ 但會等黃昏先黎, 然後住返晚囉..應該會比較舒服 ----- 本來排係我前面只有一對日本情侶 , 但排排下再前面多左堆人, 我諗住佢地係等往瑞芳/基隆既客運啦, 等左半個鐘, 返台北架1062巴士終於黎啦!!!有人拍手歡呼囉= = 點知前面堆人居然上車囉! 仲要瞬間塞爆左架車!! 然後車開走了。 我真係O左咀唔識合返埋...後面個台妹都話: 什麼???太扯了吧!!! 結果再等多半個鐘, 姐係成7點先有得上車, 係哩個時候, 後面條隊已經多人到我唔敢望.. 上車上得好緊張~因為好怕人插隊! 最後成功上車! 不過架車冷氣好凍....我成程車縮埋一舊 ------------------------------- 搭左大約一個鐘, 就到松山捷運站, 落車往饒河街夜市~ 準備瘋狂大飲大食一番! 未開始食野, 見到有夾公仔既店~ 我發覺我去完AIA之後有小小迷上夾公仔 仲要比我見到有蕉生夾啊!!!!!!!!! 我唔理~ 我一定要夾到, 結果夾左10次左右就成功! yeah 之後開始食, 哩個玉子燒好味! 我點左龍蝦沙拉味~ 好岩胃口呀! 而且入邊有芝士同粟米! 個人幾推介哩款小食~ 不過我影得有D衰 其他食物就...掛住食唔得閒影! HAHA ------------------ 食到飽就行下消化下~ 又有店舖賣蕉生野...唉~唯有買啦! 四年前去台北好似都瘋狂買蕉生野哈哈..因為係香港真係唔多見到><! ------ 之後行左去彩虹橋 夜景好靚~ 10點幾, 開始返去啦~~~ 晚上特別搶眼既鬆馳熊店~ 乳洛係前晚係"頂好"買既 ~ 去旅行都幾鍾意行超市! 然後水果係7-11買~ 哩晚食得咁放肆..點都要食返D水果! ~~DAY 2完~~
