10-2-2015 TUE :-D 「一個人旅行? 唔洗試啦! 聽就覺得悶啦! 勁on居囉! 一個人去旅行既人肯定係冇朋友! 」 以上係我呀爸對一個人旅行既睇法 , 所以我一路都係扮同朋友去..唔敢同佢講- - 至於某D朋友既反應, 都係果D啦... 「下....好寂寞喎...」 etc..... 之前一路想試下來一個真正一個人既旅行 其實本來諗過今次就去日本, 但有朋友一月時都自己一個去完台灣 搞到我心郁郁, 咁岩公司又要清假, 又想去散下心, 於是無啦啦就買左張機票, 初次獨遊, 都係去返獨遊入門級別 台北 先啦! - 住宿方面, 本來一個人想住dorm ,朋友推介旅行的意義民宿 聽個名都有意思! 點知full左! 於是都係用返airbnb搵住宿啦 就見到一間200蚊晚 單人房 有獨立洗手間浴室! 睇圖都OK, 又勁多好評! 又位於好多野食既永康街!!!! 各方面吸引就book左~ 都係下次先住dorm啦 哈哈 --------------------------------------------------------- 今次搭 長榮航空 , 搭班機既起飛時間係 07:30 AM 癡線既我因為好驚自己起唔到身 (係絕對會) 所以搭左機場尾班巴士去機場訓, 真係癡線, 有屋企唔訓 =.= ----------------------------------------------------------- 準時起飛, 好快一個鐘後就到達桃園機場啦 住宿地點係捷運東門站永康街, 我選擇左搭國光1819號機場客運去到台北車站先 機場巴士係好舒服! 我係度諗, 乜野女王窗呀? 點知原來係安全窗, 甩到變左女王窗 -.- 係巴士到訓訓訓zzz 大約一個鐘就到左台北車站 -->然後轉搭捷運 到東門站5號出口就係永康街啦~~~ 住宿地點既樓下 : (其實由捷運站拖住gip行到黎 原來都幾係野..) 因為大門係鎖左既, 禁左門鐘但冇人應, 雖然我係機場LINE左屋主, 話自己大約11點到, 不過因為搵路最後我11:20到 我又未買電話卡冇網絡........企係度都唔係辦法架 於是膽粗粗問左位路人借電話打比屋主, 好快屋主就踩住單車黎到啦! ----------------------------- 其實哩幾日, 我都係冇住係我book果間200蚊晚既房既! 因為係出發前兩日, 屋主突然話會upgrade我間房, 問我o唔ok? 我問做咩無啦啦upgrade? 原來因為有個住係個間房既客想extend多幾日, 但想keep係個間房 不過如果我答應upgrade, 就要轉一次房既, 睇完果2個房既相之後, 我就馬上答應左啦! 我用200蚊晚既價錢住左2間大D,而且貴D既房呀! YEAH~~~~ 頭兩晚住既房: _你正呀喂, 一個人訓雙人床, 我要做大爺了~~ 房間一應俱全~ 洗手間仲有埋一大枝洗頭水同沐浴露提供! 我之前住既每一間民宿都冇架! 間房好通爽, 好舒服~~~~~~~~~~~ 岩岩到埗就有D咁正既野歡迎我, 表示興奮! 住宿網址: https://www.airbnb.com.hk/rooms/4787574?s=uwi5 搞掂好, 就開始我的旅程啦~~ 其實四年前同家人黎過台北, 但個次只得3日2夜 行程除左食食食同埋食, 去左西門町之外就咩都冇做過 所以今次去, 都係去D幾大路既地方~ -待續
