享受當下 來個櫻花浪漫 春天話咁快就已經同我地say hello啦,一到呢個季節大家會諗起咩? 無錯啦,就係櫻花!櫻花除咗靚之外,仲可以俾人一種身處於仙境嘅感覺,如果同伴侶仲顯浪漫啊,所以千祈唔可以錯過呢個浪漫季節!好多人為咗響應呢個季節都會專登飛去日本睇櫻花,但又未必請到咁多日假去:( 其實近近地台灣都有靚櫻花可以打卡架! 櫻花打卡聖地:位於台中的九族文化村 呢到日頭同夜晚睇完全係兩個景來,日頭就仿如處於世外桃源嘅地方,與世隔絕去到個無污染嘅世界咁,仲會聞到陣陣嘅花香,另人心曠神怡;夜晚加埋燈光效果成個世界變得五彩斑斓,行到邊都會不禁『嘩』『嘩』聲。絕對係一個櫻花打卡嘅好聖地! 新嘗試~櫻花妝 櫻花嘅強勢潮流除咗去打卡留個紀念仲可以日日『妝』係臉上,乘勢食個潮流,幫自己換過全新妝容,化個春日粉紅,人見人愛嘅櫻花妝。但係手上無一套完整可以打造櫻花妝嘅裝備?!唔緊要!最近M.A.C新出限量櫻花妝藝系列,主打以粉色為主,充滿少女味同時包裝部分仲額外用心,用上滿滿嘅櫻花圖案,淨係個包裝睇見到心郁郁。佢嘅定妝噴霧仲有淡淡嘅櫻花香,聞到之後會令你更加忍唔到手要買買買>< Tag: 春天,櫻花,九族文化村,燈飾,M.A.C,櫻花妝