自從2019年12月底開始知道有個案出現, 一直提醒身邊人小心新病毒, 注意個人衛生, 自己亦係小心翼翼, 由香港返到柏林後, 每日都望住德國疫情發展, 但從來冇估到會發生係自己身上。12/12, 自從德國再次疫情嚴重, 已經有一段時間冇任何既社交, 實在忍唔到, 姣婆守唔到寡, 相約好耐冇見既朋友食飯。15/12 見面後3日, 買左一筒KFC lockdown deal 炸雞, 去住同一宿舍既朋友分享過夜, 當日開始出現咳嗽同頭痛, 仲以為只係因為熱氣關係, 灌左幾包清熱酷。16/12 開始全身痠痛, 頭痛, 咳嗽, 夜晚同室友借左體溫計, 測出37.5度低燒, 越黎越覺得係炸雞惹的禍17/12 - 19/12 持續之前既症狀, 呼吸不順, 有少輕氣喘, 飲晒手上3包必利痛感冒熱飲存貨, 開始降溫到36.8度20/12 持續體溫大約36.8度, 咳嗽有好轉, 依然頭痛, 加上頭暈, 身邊各部份關節有不定期有疼痛情況出現, 朋友通知於19/12確診21/12 頭痛頭暈依然繼續, 關節痛楚持續, 嘴唇同脷開始腫脹, 流鼻水, 鼻塞,。大早上開始搵診所做檢測, 最終成功聯絡hausarzt, 電話預約時會簡單問症狀, 護士聽到後已即時懷疑corona, 問我想做PCR定schnell test, 然後話保險會cover費用, 加上因為曾經有接觸確診患者紀錄, 並打過流感針 (半排除流感可能), 即日安排上診所接受PCR test, 請注意, 如果有疑似可能, 護士會要求你到達時係門外等候醫生出黎做測試, 以免影響其他病人。 醫生見到時會簡單再問症狀, 然後會用一枝長長cotton swap深入撩鼻取樣, 過程20秒完成可以離開繼續隔離等候報告, 原先被告知係48小時後有結果。22/12 起身時身體非常疲倦, 雙眼眼睛乾澀, 口部腫脹持續, 呼吸依然有少許唔順, 頭痛輕微, 暈眩持續, 身體疼痛及關節痛不定時出現, 出現耳嗚, 聲音變沙啞。10點仍然係床上時多手用app查詢測試結果時發現報告已出, 並且係陽性, CT 22, 當下有D驚訝, 直到報告出現前一直認為係熱氣, 估唔到居然係確診, 當下即時通知室友, 及接觸確診患者後所有曾密切接觸朋友, 同時通知宿舍管理處, health authority等, 即時取消一切聖誕及新年活動。23/12-24/12 大部份症狀有好轉, 鼻已通, 第一次體溫降至35.8度, 但疲累、暈眩、耳嗚、雙眼乾澀、鼻水、口部腫脹持續25/12 暈眩、雙眼乾澀、少許疲累, 體溫有輕微上升, 但精神已好轉。暫時而言, 情況一直在轉好, 希望之後都係。對付covid, 最強既武器係心境, 慶幸症狀最嚴重幾日, 我一直都認為自己係熱氣, 並無太大擔心, 當知道有可能係covid時已經減輕症狀; 另外房間通風好重要, 我最初幾日一直呼吸有點唔太通順, 長時間開窗後情況已有好轉, 呼吸問題有減少。係德國中左covid, 除非症狀嚴重, 一舨都係在家休養, 唔會有任何藥物, 如果有呼吸困難同高燒情況就要打熱線電話或更危急情況要叫救護車。26/12 收到Gesundheitamt電話, 原先完成隔離日期為24/12, 明顯太多人中左加上聖誕節, 就拖到26號先收到電話, 因為當日仲有關節痛同頭痛症狀, 只能再延長隔離到29/12, 同時話會寄General information比我, 最後係冇左影既, 只能自己上返berlin.de coronavirus相關頁面查詢。29/12 難得準時收到電話, 確認冇症狀(工作人員會再三表明除左失去嗅覺味覺), 就可以第二日出隔離, 非常幸運地可以係新一年前出隔離, 當然出左隔離都唔會周街去同即時約朋友, 始終德國以症狀同日數黎計好返未真係好危險, 唔似香港會再次檢測確定體內已經測唔到病毒。後話: 係德國中左好講自律: 自己發現有問題去做測試, 自己乖乖隔離, 乖乖消毒, 冇收到結果自己打去問, 確診後自己打去Gesundheitamt提醒佢地自己中左, 自己上報密切接觸人士, 自己判斷有冇症狀, 自己處理隔離期既一切, 包括垃圾都係掉去家居垃圾而非特別處理, 更誇張既包括, 朋友發燒到39.8度, 緊急熱線只係叫朋友自己食藥, 另一個朋友係荷蘭時確診, 但居然係隔日返柏林而冇被發現。或者正正係因為講求自律而唔係嚴緊措施, 而令德國甚至乎歐洲covid爆發得咁嚴重既原因.......歐洲各國一日唔認真審視佢地抗疫措施, 都只能希望係德國或歐洲各位, 自求多福, 自救多福....
