係香港酒樓叫餸食飯, 通常都會點咕嚕肉, 貪佢酸酸甜甜, 下飯, 但係屋企又唔係自己煮, 嫌麻煩...但係德國, 出街食飯貴, 學下煮飯係必要, 咁岩Save bag拎到新鮮菠蘿+紅椒+洋蔥, 正正係咕嚕肉既配菜, 於是就買盒1歐幾既豬肉(Schweineschnitzel)黎整!食材豬肉(Schweineschnitzel) 300g蒜茸 適量洋蔥 1個紅椒 1個新鮮菠蘿 1/3個生粉 (Maismehl) 適量中型蛋 1隻甜酸汁 (每個牌子都唔係好同, 唔可以完全作準, 要自己調)蕃茄醬 3大勺鎮江醋 1湯匙生抽 2湯匙糖 2大勺菠蘿汁 (視乎菠蘿係室溫下出左幾多水)生粉 (Maismehl) 適量水 適量肉洗淨乾水切塊, 用生抽糖生粉胡椒醃肉過夜蛋打發好後加入醃肉撈勻, 撲生粉, 等反潮氣炸鍋預熱5分鐘, 200度反潮後肉加入氣炸鍋5分鐘, 200度, 翻面後再用200度炸5分鐘, 最後200度3分鐘脆身洋蔥, 紅椒切片, 爆香, 加蓋中火3分鐘撈起原鑊爆香蒜頭, 加甜酸汁 中火加熱離火加入生粉水拌勻後小火加熱加入洋蔥紅椒, 菠蘿加入肉排, 快速撈勻起鑊 第一次整估唔到原來咕嚕肉咁易, 成本仲好低, 室友試食後話味道比外面餐廳好食!
