係歐洲生活既人大概對Too good to go 呢個app並唔陌生, 一開始我知道呢個app係準備黎德國既時候, 可惜當年柏林並無太多參與店家, 直到半年前再睇, 居然多左一大堆店家, 試過幾次後一直就推介比身邊朋友, 係度都想推介呢個app比想save food save money既朋友。 Too good to go到底成立背景係乜, 我自己都唔知, 但我大約明白理念係店家會將就到期/已到期既物品(主要係食物)用比較便宜既價錢賣出, 減少拋棄食物, 達到雙贏局面, 而too good to go都有一個list (唔知邊度睇過個list), 講返每種食物既最佳食係歐洲生活既人大概對Too good to go 呢個app並唔陌生, 一開始我知道呢個app係準備黎德國既時候, 可惜當年柏林並無太多參與店家, 直到半年前再睇, 居然多左一大堆店家, 試過幾次後一直就推介比身邊朋友, 係度都想推介呢個app比想save food save money既朋友。 用法好簡單, 先下載Too good to go App, 選擇所在城市同距離, 然後會見到有唔同店家賣緊save bag, 上面列出時間同埋價錢, 有興趣可以以paypal, google pay或信用卡比錢, 如果想睇晒所有參與既店家, 可以揀下方bar既Browse, 會列出所有加盟店家, 每間店家既賣save bag既時間同袋數都會唔一樣, 要自己留意一下。Too good to go 上面一般分有幾大類: meals,bread&pastries, groceries同others德國作為麵包王國, 大部份listing都係bakery bakery同bakery可惜個人對德國既麵包係冇興趣, 我只係買過bread & pastries同groceries類當中最常買到既係超市既 obst&gemüse或 überrashungstüte用3-4歐既價錢買下10-20歐既貨物, 對留學生黎講真係慳唔少錢 少量分享圖如下 Real 3.5歐 蔬果包 Edeka 3歐 蔬果包 Netto 3.5歐 überrashungstüte Netto 3.5歐 überrashungstüte 甜品店 3.5歐 當然, 唔係每一次都拎到多樣同好既驚喜包, 我都試過有舖頭放左10包tempo夾雜一堆壓爛左既桃再加其他野, 亦試過拎到既野好少, 不過總括黎講都一定會超過買驚喜包既價錢。 用左半年Too good to go後, 比往時食多左蔬果, 生活費亦少左, 另一個係每買一袋就好似扭蛋咁次次都唔同, 袋袋都有少少分別, 有時拎左驚喜返黎就開始去諗要煮咩新煮式, 食飯都會多左驚喜, 如果你睇到呢度同我一樣想減少浪費食物同慳錢的話, 我絕對建議你去試一下Too good to go呢個app, 除左上面展示既超市貨物外, 其實仲有餐廳會賣熟食類既驚喜包, 我朋友就試過壽司, 不過都係個句啦, 為左安全著想, 拎到既食物唔係即日食最好放入雪櫃或冰格, 盡快食, 另外如果感覺食物有變壞就一定要掉啦! 或是有人會問: 用低價去買, 拎save bag既時候會唔會唔好意思架?提醒自己係用緊有意義既事, 係唔需要理其他人目光, 當然有店員可能會有「你著數左啦」既心態 (我朋友遇過), 不過大部份人都好nice, 買save bag本來就係一種交易, 買賣雙方都係平等的, 唔存在任何一方高一等既感覺:) 最後既最後, Too good to go 既宗旨係減少浪費, 所以下訂後到領取時間前2小時係可以免費取消訂單, 等其他人可以有機會去買, 暫時亦唔見有限制買既份數, 但大家都要自律唔好貪平就買好多, 始終店家會拎出黎既食物好多係佢地認為好快賣唔出既食物, 食物始終有有限期, 盡量預算可以真正壞掉前食完既份量; 同時如果真係趕唔切去店家領save bag, 就係取消有效期內取消訂單, 亦盡量唔好last minute先去, 好多店家領取時間都係收工前, 大家就做個有質素既人, 預算好時間, 唔好阻人收工, 亦免得被店家以為no show將預留比大家既食物比其他早少少黎既客人!
