最近因為疫情關係, 留家時間太長, 於是開始搵德文課程, 因而都想分享自己德文學習。認真, 我對德文既興趣只局限於初學德文既第一年....當年為左申請德國學校, 同本科大學教授傾過, 佢建議先係香港讀左德文, 有大概認識先去德國, 所以就開始係香港搵德文課程。撇除私人類型既話, 我當時係香港搵到既主要有3個學德文地方比較多人提1) Goethe Institute2) Dr sackmann's language class3) HKU SpaceGoethe Institute係好多國家都有, 感覺算係3間之中比較權威, Dr sackmann's language class據聞係由一個前GI既老師自己開既, 而我有唔少上德文既同學後來有同我講有部份歌德老師會去HKU space教。而最終我係揀左GI做入門德文程度一般有分A1, A2, B1, B2, C1, C2; A1入門, C2係Advanced level。係香港, GI同Dr sackmann兩間都主要將一級分四段, 即係A1-1, A1-2, A1-3同A1-4而學德文前要有個認知, 無論香港定德國, A1定advanced level, 我上過既德文課程係全德文教授, 只有極少極少時間係會出現英文或中文, 大部份老師會傾向用德文解釋, A1初學都唔例外另外, 係香港讀德文真係唔算平, 當時我報GI 9星期課程, 每星期1堂, 每堂3小時, 總計27小時, 每段課程要HKD2500, 好彩既係有持續進修基金, 讀完一級考到證書就可以退返8成學費, 不過真係由讀到考級, 唔係揀intensive class絕對花接近一年時間。 考過左A1, 因為工作時間關係, 就轉左去dr sackmann's learning class度上, 而佢地係唔需要考placement test, 雖然平少少, 但冇得申請持續進修基金 (2017年既時候), 而且學習氣氛冇歌德好, 而且雖然係全德文教, 但以英文輔助比例比起歌德大, 上完A2, 進展嚴重落後, 當時因為要考級想A2-4係歌德上返, 點知返歌德考placement test, 建議上A2-1, 另外歌德係會優先預留考級試既名額比自己學生, 所以如果要考level都係去返歌德讀算啦, 歌德讀仲有得申請持續進修基金。之後我就去左德國讀書, 語重心長地講一句: 如果去到德國讀書又唔想太密集上堂就唔該係大學報德文班!!! 大部份都收超級平甚至免費, 同時又有可以計ECT, 我當時上B1係完全免費 (因為有一次listening肥左重讀, 讀左3個學期)最後係要講下德國既德文課程, 嚴格黎講, 我係仲未開始係德國大學以外上過德文, 只係最近搵課程既時候有少少有感而發。係德國, 講起平(靚)(正)一定會提起volkshochschule (括號係因為有一定機率唔一定靚正呀), 百幾二百歐有intensive course, 不過師資非常參差, 個人因為學科關係一直都冇辦法去volkshochschule讀德文, 而基本流程都係先做placement test, 定義應該上既程度再去報名揀時間地點。而自從coronavirus後, 德國都開左唔少online german course, 變成可以係香港報德國既德文課程, 好處有幾個, 一黎平好多, 二黎進程比香港既快, 三黎同學唔會再只限於香港學生, 可以擴闊下視野。以最近接觸既deutsche akademie為例, semi-intensive course 會係一個level既一半, 即係A1分為, A1-1, A1-2, 一星期2堂, 每堂3個鐘, 上8星期, 總數48小時, 要價大約250歐, 而作為參考, 歌德最近既online course為期9星期, 同樣將各級一開二, 例子B1變B1-1同B1-2, 唔係好知上幾多個鐘（話flexible time wor), 叫價hkd5000。德國另外仲有好多德文課程選擇, 例如我自己既口語同詞彙唔夠, placement test後就被建議上conversation course, 算係針對性地學德文。 (不過越黎越多online course唔知會唔會影響左之後德國批language visa呢?)最後關於至於師資問題, 講真真係運氣, 香港定德國都有可能遇到差既老師, 不過我個人會偏向德國多啲 - 有競爭先有進步, 歌德喺香港長期一枝獨秀, 如果唔係想上live course其實兩邊分別唔算太大。所以疫情下既學德文選擇會大左, 唔再局限於香港某幾間德文學校, 有興趣既朋友可以當係參考, 而我相信除左德文外其他語言可能都會有類似做法:)P.S. 冇promotion code, 冇廣告, 純分享
