今年歐洲既天氣, 有點兒反常, 柏林已經連續多日攝氏30度以上, 加上大部份地方無冷氣, 實在有種快中暑感覺, 在亞超"東方行"就順便買份冬瓜熬一個冬瓜湯整湯飯, 招待朋友。 食材 [兩人份量]冬瓜 x250g雞下脾 x5隻急凍蝦 x10隻碎瑤柱 x4粒蝦米 x10粒薑 x2片 雞脾肉醃料胡椒少 隨量生抽 2湯匙油 一圈生粉 隨量加飯酒 1茶匙 急凍蝦解凍, 吸乾水份, 切粒加胡椒粉備用雞脾洗淨吸乾水, 雞下脾去骨切粒, 加入醃料後放雪櫃雞脾骨放入煲內, 加水過面, 大火直到見到雜質* 後倒去所有熱水, 雞脾骨撈出黎開水喉用凍水沖5分鐘重新煲一煲水, 約500-600ml, 水滾後放入雞骨, 加兩片薑, 大火煲瑤柱碎及蝦米分別沖一沖水, 後加少許凍水分別浸5-10分鐘後連水加入煲內冬瓜洗淨去皮切小粒, 放一半入煲內, 滾後轉中火成煲多熬20-30分鐘後加入淨餘冬瓜粒及醃好雞肉約8-10分鐘見雞肉已變色可試味加鹽**/***加入蝦粒, 見蝦粒轉色後可熄火加入用飯煲煲好既飯, 完成*我後面唔會再除雞骨雜質, 當然, 想湯較清可以再出水出耐少少, 或用類似魚袋(我未係德國搵到) 或後面再撇清, 個人唔介意亦較懶就冇做**瑤柱及蝦米如果香味本來較重的話, 湯已夠味, 不需要加太多鹽, 建議加鹽前先試味, 並逐少加入鹽量, 是次我只加左不足半茶匙***如加過量鹽份可再加入一碗水再熬, 因德國大部份用電子爐, 唔似香港用明火轉細火後熱力可以即時減退, 而係越黎越熱, 所以水份蒸發相對快, 熱力不易控制 註1: 瑤柱及蝦米均是家人從香港寄到柏林, 並非在柏林購入註2: 冬瓜250g大約要1歐2註3: 德國海鮮選擇冇香港多, 亦好難買到新鮮蝦, 急凍蝦就試過中伏。Kaufland買到Escal king prawns試過不錯, 已去頭尾去殼腸, 特價時 (2歐99@225g) 都會屯貨, Rewe/real都見過有貨 註4: 一個人係德國難免會一人晚餐, 份量難預, 可以加雞肉同蝦前先撈起部份冬瓜湯放入雪櫃, 再享用前先重新煮滾再入雞肉及蝦粒
