📍Woodsage - 元朗-成日係呢頭打滾都冇留意到有呢間舖頭 反而係睇 @pumpkinjojoinstagram 介紹先識到呢間良心小店💛呢間餐廳主打東南亞西式fusion菜 位置比較隱世 食過第一次之後 基本上呢間餐廳就已經變成我既飯堂 成日即興約食飯諗唔到食咩都會黎食呢間 😋-🔸冬陰功忌廉海鮮意粉 ($95)冬陰功味非常濃郁 其實我平時唔好冬陰功 但呢個意粉佢有冬陰功味既精粹之餘 又唔會有我平時唔鐘意冬陰功既過酸同過辣 調味得宜 非常合我口味😙另外用上咗扁意粉 非常掛汁 條條都掛滿晒creamy既冬陰功汁 海鮮用料唔錯 大蝦幾彈牙嫩滑整體黎講呢個意粉創新得黎又幾好食 值得一試！-🔸麥皮大蝦炒意粉 ($92)第一啖食呢個意粉既時候 我覺得係冇味 心諗唔通中伏…. 原來呢個意粉既調味主要係旁邊既麥皮脆脆到 要撈勻晒一齊食先有味～無論係味道定係賣相 呢個意粉睇落食落都似避風塘口味但個人覺得有啲油同埋dry 不過隻大蝦幾彈牙幾好食既☺️-🔸黑松露芝士薯條 ($52)如果想叫小食既話 個人強烈推介呢個薯條炸到非常脆口 但又唔會好淋油 炸得幾乾爽下～表面仲灑咗滿滿既芝士碎 加埋creamy既黑松露醬 真係令人食到停唔到口😟-🔸奶蓋泰式奶茶 ($30)呢杯奶茶非常有茶香😛 但又唔會好似傳統泰式奶茶咁甜到好難入口 加埋奶蓋飲都幾夾 啱晒我呢啲唔鐘意太甜既人😆 而且定價都幾抵！點擊圖片放大
