📍Heysonuts - 土瓜灣-Bookmark咗呢間cafe好耐💛 一直都好想試下佢啲甜品～呢日咁啱有事黎呢頭 經過舖面見到難得地冇人排隊 終於有機會試下lu☺️☺️-🔸班尼迪蛋配自家製荷蘭醬 ($108)呢個egg benedict同出面唔同 佢個包底唔係用英式muffin (豬柳強嗰隻包)反而係用上左ciabatta 外脆內軟 個人覺得口感好好多～ 材料配搭十分恰當 煙三文魚既鹹香 加上極度流心既水波蛋 濃香蛋汁同自家製既荷蘭醬融為一體 被ciabatta吸收晒 加上畫龍點睛既菠菜 調味非常得宜 唔會過膩 啖啖都係對味蕾既滿足 絕對係係近年食過最好食既egg benedict! 🍳-🔸黑啤煙燻豬腩肉意大利飯 ($128)呢個risotto係用一個好熱既迷你鐵鍋仔上菜既 上菜既時候熱辣辣出晒煙🌬開頭以為啤酒入饌一定會令成個飯帶有苦味 出奇地第一啖食落好甜 餘韻帶有陣陣啤酒麥香味😋豬腩肉頗有煙燻味 而且令個飯充滿油香 生色不少🙌🏻呢道菜仲好巧妙咁加入咗啲酸菜 令成個飯既味道冇咁漏 可以輕鬆ko成碟😛-🔸提拉米蘇日式疏乎厘鬆餅 ($102)本身一心想黎食mochi waffle 但點知黎到已經賣晒🥲 店員就推介左餐廳人氣最勁既呢一款tiramisu soufflé pancake~賣相幾靚下 pancake既上層舖咗一層灑滿咗可可粉既mascarpone creamcheese 另外仲配咗一小杯咖啡酒 大家可以因應口味而加～呢個pancake無論係空氣感定鬆軟度都拿捏得幾好 食完唔會好似食咗一陣風咁 食落都幾有蛋香成個matching食落真係幾似tiramisu 個人建議要落晒啲咖啡酒 食落冇咁漏之餘仲會為味道提升層次☺️點擊圖片放大 +2
