一直以嚟牙齒都不齊又有哨牙嘅情況，中學時候打算箍牙，但係當時正出緊智慧牙。牙醫幫我照左x-ray，照到有機會會出齊四隻智慧牙，擔心不夠位，所以當時決定擱置先。 今年7月因為貪靚而選擇箍隱適美，加上有同事介紹去康齒堂可以平三千，於是約左時間做免費咨詢。 預約當晚姑娘會幫我照x-ray同埋影相記錄牙齒狀況。以及會用一部先進嘅儀器掃描牙齒，仲可以即時睇到箍完隱適美嘅模擬效果。之後姑娘另外幫我約時間見遊醫生，睇下佢會提供點樣嘅治癒方案。 當時遊醫生建議我剝4隻小臼齒，因為我上排牙哨牙情況都幾嚴重，有咬合不齊嘅情況，加上下排牙齒太密比較亂。如果想最後出嚟效果好，俾牙齒有足夠空間移動係好有需要的，我嘅case係5可以只磨牙。但當然需時會較長，費用方面都比5需要剝牙嘅case要貴。 因為如果當時決定箍可以平兩千，加上有同事介紹平多三千，最後我接受遊醫生嘅方案，箍牙費用係4萬4（包埋剝牙）。 之後醫生會將我嘅資料send去美國果邊，幫我整一個箍牙嘅模擬動畫，到時就可以知道要用幾多個牙套同埋需時幾耐。 大概一個星期就出左結果，之後就等美國果邊整好牙套寄返嚟香港，需時大約一個月。個人建議要箍就要趁早，聽聞遲下又會加價。如果有需要做介紹，可以留言或者send email:karrieinvisalignshare@gmail.com 今次先分享咁多，等第一副牙套到左再分享。 謝謝
