之前的母親節，大家送左咩比媽媽呢? 我除左送兩樣產品之外 Bio-essence TANAKA WHITE 4X無瑕瑩白精華 及原燕房低糖燕窩 仲同家姐合力整左個好簡單的藍莓芝士凍餅 個凍餅其實一d都唔難整，不過我同家姐都算係第一次整，所以都幾雞手鴨腳丫 同埋有d步驟冇影到相 以下係藍莓芝士凍餅的小小教學兼分享(無咩圖仲學人講係教學= ='') 食譜其實o係其他網搵到，youtube仲有教學，所以完全唔難整 大部份材料係去專門賣整蛋糕材料的地方買 材料： (6吋蛋糕模) 消化餅底 消化餅 5塊 淡牛油 30g 芝士餡料 忌廉芝士 250g 糖 60g 淡忌廉 220g 魚膠粉 2茶匙 水 2湯匙 藍苺果醬 60g 飾面: 鮮藍莓(或合時鮮果) 適量 藍莓果醬 適量 做法： (1) 將消化餅壓碎，加入牛油溶液(牛油先隔熱溶解)拌勻 壓實於蛋糕模內雪凍備用 (2) 忌廉芝士加糖打滑至糖溶解，加入藍莓果醬拌勻(最好用電動打蛋器，我地用人手累到嘔) (3) 淡忌廉打至6分備用(同樣最好用電動打蛋器，因為我地用人手搞係好累的) (4)魚膠粉加水，隔熱溶解，加進芝士餡內，再加入已打起的淡忌廉攪勻，倒入消化餅底內，放入雪櫃凝固(雪3小時以上) 以上步驟係無影到相，因為我地兩個隻手已經搞到勁累) (5) 脫模後用鮮藍莓(或合時鮮果)及藍莓果醬裝飾便成 我地合力製作的藍莓芝士凍餅終於完成，睇落都算見得下人XDDDD 晚飯後大家分左黎食做甜品 大家比既評語都唔錯，總算無白費心機 最緊要係媽媽同大家食得開心♥ 黎緊的父親節要再試下整其他先，不過屋企冇焗爐，所以要整D唔駛用爐整的甜品 我的email: yeeyee1030@yahoo.com.hk 有問題可找我^^
