任食真係大胃王同選擇困難症者大愛，呢間邊爐任食仲啱一班酒鬼！各款酒類任飲，襯埋自助區小龍蝦一流😋✨SRF美國極黑和牛片套餐💰($248:730pm前結帳；$288:正價時段；$268:9pm後入座；星期五至日、公眾假期及前夕額外+$10)火鍋湯底總共有10款可以選擇！今次揀咗香辣沙嗲鍋。沙嗲湯底好濃郁，有兩舊大大嘅牛骨一路滾，夠晒入味。而花生醬同沙茶比例啱啱好，夠惹味😆 火鍋配料都超過30款任拎！食材均新鮮，每個雪櫃都出晒煙，確保夠凍！當中最深刻嘅係粟米貢丸、蛋餃、大魚蛋。呢幾款平時出面都唔常見，每樣食落都好味，同邊爐好夾😚 飲品都有超過20款，仲有韓式飲料同清酒、梅酒、啤酒任飲！最特別就係有埋波霸珍珠奶茶飲，台灣風味即刻番晒黎🤤 套餐包咗多達六款以上嘅肉類同埋火鍋乳鴿任食。當中最吸引嘅肉就當然係SRF美國極黑和牛片。和牛顏色紅潤而且有雪花，食落有牛味又滑身唔韌！另外海鮮類都好新鮮，蝦仲好鮮甜🦐 最後仲有各式各樣甜品，雪糕，連Häagen-Dazs都係任食！食完真係大滿足😍 ————————————————————————🌼評分：5個🌕為滿分🫧味道：🌕🌕🌕🌕🌑🫧環境：🌕🌕🌕🌕🌑🫧性價：🌕🌕🌕🌕🌗🫧回頭：🌕🌕🌕🌕🌗💰加一：✔️⏰限時：120分鐘 (晚市)📍牛站（駅）麻辣火鍋放題 (旺角)📍旺角彌敦道593-601號創興廣場2樓其他分店：🔍尖沙咀加連威老道2-6號愛賓商業大廈1樓102號舖🔍觀塘觀塘道414號1亞太中心6樓
