餐廳環境好大，仲好乾淨衛生，唔會有臭味！場內有好多貓貓周圍跑黎跑去，唔驚人之餘仲好活潑可愛🐈⬛ 啱晒一家大細，情侶閨蜜一邊食野一邊玩貓🥰點擊圖片放大 💛 牛油果雞胸什穀多士 ($88)雞胸份量幾多，令每啖多士都可以有雞胸配埋一齊食！多士烘到好脆，而雞胸質地軟身，唔會乾同柴。沙律菜新鮮，食落好爽口。本身以為係健康餐，估唔到又有埋薯條！薯條炸到香脆，表面仲落咗啲辣粉，好惹味😋 💛 西西里牛面頰蘑菇長通粉 ($92)每一條嘅長通粉都掛晒濃郁嘅蕃茄醬，食落酸酸甜甜，口感豐富！牛面頰份量都幾多，每舊都大大件。食落嫩滑，唔會韌🤪 ⚡️中午仲跟餐湯同多士 💛 泰式蝦餅 ($48)蝦餅每件都大大舊，炸到金黃色！咬落外脆內軟，入面啖啖肉而且充滿蝦味🦐 💛 海鹽芝士奶蓋鮮果牛角包窩夫 ($98)熱辣辣嘅牛角包窩夫淋咗蜂蜜，夾埋表面嘅奶蓋、雪糕，係冰火交融嘅感覺！兩片窩夫都烘到鬆脆，食完滿足感大大提升😚 小可惜係個海鹽芝士奶蓋好咸，唔可以加太多一齊食🫣 🥤伯爵茶鮮奶 加配 芝士奶蓋 (跟餐: +$24)伯爵茶加奶都幾特別，茶味好香！奶茶飲落就係帶出啖啖伯爵茶味，味道幾夾👍🏻🥤芒果紫米酸奶 (跟餐: +$21)紫米增加咗成杯野飲嘅口感，食落煙煙韌韌。芒果酸奶味道好夾，唔會太酸太甜😆————————————————————————🌼評分：5個🌕為滿分🫧服務：🌕🌕🌕🌕🫧環境：🌕🌕🌕🌕🫧性價：🌕🌕🌕🌗🫧回頭：🌕🌕🌕🌖💰加一：✔️ (中午時段：❌)⏰限時：120分鐘📍 URBAN Cafe (荔枝角)📍荔枝角長沙灣道680號麗新商業中心1樓其他分店：🔍旺角彌敦道566-568A號僑建大廈2樓🔍觀塘開源道62號駱駝漆大廈第1座6樓點擊圖片放大 +4
