機緣巧合之下, 係facebook見到關於慶州櫻花馬拉松大會既資料 其實係香港都唔係一個運動既人, 但心諗有得睇櫻花, 又未去過慶州, 一於報名試下 跑既地點係普門旅游區, 同市區係有啲距離既, 但大會有接駁巴士, 所以好方便 落車地點就係大會開跑點 隔離就係世界文化expo公園, 慶州塔個設計真係好特別 場內既舞台, 大會表現場地, 其實呢到係直升機停機玶黎 入面係有香港既booth嫁!!!! 大會準備左唔同既野食同飲品比參加者, 不過一早飲米酒去跑步係正常的嗎? XD 唔知呢個係咩塔, 冇八卦行去睇 飲飲食食左一陣8點開始就分批出發. 成個活動分左全馬/半馬/10km/5km 我只係hea hea地報左個5km試下, 因為怕自己唔掂跑太辛苦會死. 安全第一丫!!!! 大約8點半左右, 5km既終於可以出發 其實現場好多外地人, 香港,台灣,日本,馬來西亞等等等等 大會主持都係出發前叫大家5km既朋友, 開開心心睇下景,影下相, 然後1粒鐘內返去就ok 好多人一家大細推埋BB車黎參加, 其實真係好開心 準備開始 點擊圖片放大 沿路都係櫻花, 跟住普門湖黎跑, 其實大家都影相多過跑步 當日風好大, 所以不斷都可以見到櫻吹雪, 第一次見櫻花既我覺得真靚 返到終點啦!!!! 個個到排隊扲湯麵食, 我見D阿朱媽由出發前就一直準備 仲有用大麥做既米露. 第一次見係呢隻色 大會頒發既紀念金牌, 人生第一次 到10點左右有接駁車就走左, 因為仲未跑完封左一半路 本身幾個字既車程變左一個鐘, 其實因為電話冇電, 冇得影相局住返返去 否則係普門個面其實仲可以玩耐啲 始終人生第一次跑馬拉松, 好特別, 又有靚景 加上當日天氣好好, 有風又唔熱, 成件事好舒服 第一次去慶州自己一個人都唔會好麻煩, 非常好的體驗 介紹返, 呢個活動年年4月櫻花期都會搞 今年報名費20000Won 仲有件衫送比你, 抵玩既 我自己本身首爾出發坐車會耐D, 香港冇直航機, 大家可以揀釡山過去, 順便玩多個地方 下年夾到時間的話, 一於帶埋阿媽過黎跑先