係岩岩過去既Reading Week(9/3-16/3)入面小妹完成左人生第一次東京自遊行！第一次去日本，我好貪心地想將所有東京旅有熱點include係itinerary入面，但對於仲係學生哥黎講既我，慳住黎玩都係外遊第一要旨。要Check哂咁多points，交通費入場費就無得慳嫁喇！唯有住頹宿，啃幾餐麵包同忍手咪買咁多衫啦！好，小妹既東京8日FLAT OUT行程如下： DAY 1： Hkexpress 0815﹣1315 到成田 ﹣＞ 橫濱盲目checkpoint迷離夜 （＊） DAY 2：晨早起床上野公園散步﹣＞河津櫻花祭﹣＞秋葉原地道shabushabu DAY 3：原宿竹下通表參道齊來出血日﹣＞新宿東京都廳夜景 （＊） DAY 4：箱根親親大自然freshfresh一天遊 DAY 5：空肚食築地壽司做早餐﹣＞歡樂暢遊Disney Sea DAY 6：上野未完成之部分﹣＞秋葉原毒樂樂﹣＞夜遊台場 （＊） DAY 7：早探明治神宮﹣＞代代木公園﹣＞求其行澀谷﹣＞下北澤尋寶記 ﹣＞東京鐵塔 DAY 8：玩盡淺草基地﹣＞最後的Skytree﹣＞Hkexpress 0110﹣0525 羽田走 （＊）為一個人獨（毒）遊 出發前其實唔是咁Plan，但落地後發覺好多行程唔possible，或者＄唔抵，哈，再加上友人wawa係日本留學生我好多時候都比佢話事／順從我地freestyle既行事作風見步行步。所以前前後後調過好多野先得出最後呢個version，到依家呢一刻我都好proud of 呢個咁豐富既行程嫁hahaha......希望呢個有少少博盡又possible既itinerary somehow幫到d同我一樣咁貪心，plan行程plan到R爆頭中既朋友啦! DAY 1 (9/3) 一大清早煮左個靚早餐食再係薄扶林出發，搭機場快綫可以係香港站check-in真心太方便......所以原諒我一開波已犯左窮遊之大忌，sor。由於我淨係帶左個20吋gip仔，無錯係20吋，所以所有寄倉呀等攞行李呀全部唔關我事，一落機即刻飛去T2買Prepaid-sim card:選用左nanoSIM, 1GB data only 4500JPD，貴就係貴D不過我個人認為最緊要上網快！一到埗Mobile Centre個姐姐同我講日式英文介紹我買咩product，我第一個反應係講左： " kha。" 無錯，我講左Sawatdee kha果個"kha"。 “頂 kha 乜野” 我真係覺得自己好柒，唔知點解自己會開左泰文mode，好彩個姐姐乜都聽唔明......之後我做左個好後悔既決定就係叫佢幫我就地activate埋張卡，點解後悔？因為 佢 真 係 好 慢......而全間鋪只得佢一個弱質女流，哎呀，唔係想賴呢個超級有禮服務態度100分既姐姐，而係無選擇相信自己使用科技產品既能力而miss左班去橫濱既車，要等多59分鐘，真係有少少 SAD :( 無論如何，搞掂SIM卡，再係JR travel centre買左1500JPD遊客指定既NEX車飛同2000JPD Suica後，我就係買左杯JAGABE係月台到9坐59分鐘等等等等等果架去橫濱既車。 ﹣﹣﹣﹣﹣﹣﹣突然覺得自己打文有D高登味﹣﹣﹣﹣﹣﹣﹣ 車來了 上車又等等等等等（車程成90分鐘架媽呀）去到橫濱站已經4點正 好鬼SAD因為小妹好想去既面包超人館同Cup noodles museum都係1700最後入場，一個鐘，穿梭兩間館，做唔到。 唯有放棄面超館（1500JPD）直奔位於中區新港既杯面博物館（500JPD）！ “無壞！”我同自己講。 差D忘記我仲係個剛樂基兒既人，20吋行李雖小但都要存放係車站Locker先既。憑我天生敏銳既方向感唔知點解一搵就搵到Locker, 嗯，初黎報到唔識用係好正常既哈哈，咁岩旁邊有個姨姨好似幾好人，於是我就用英文請佢幫手喇。 呢個日本姨姨一輪咀爆左好多日文，但Verbally我地既溝通仍然係0，最弔詭既地方係，佢既面部表情話比我聽佢都唔識用Locker, 十分抱歉；但同時，佢既雙手又純熟地抽起左我個GIP，除除放入LOCKER, 按下左一個按鈕…... “OK！”顯示器綠燈轉為紅燈，姨姨笑住給我一個OK手勢。我同佢講 “Thank you, thank you so much! ” 佢又應我一大串日文，唔緊要啦～哈。身輕如燕的我轉身就走，心裡卻是滿滿的。好啦！其實我係好趕時間嫁！跑呀！ 搭左2個電車站到Minatomirai竟然落雨，WTF, 我冒住雨狗衝去博物館，兜兜下又盪失路，心急到爆，點知D雨愈落愈大，最狂抓既點係途中有幾條馬路，紅燈無車，周圍既本地人都係照等，即使淋雨都係要等，等果條無車既馬路轉燈。著住件大毛衣成身溼Q哂既我即時燥左，又燥又欣賞，咩感覺黎...... 1645溼住到達！好野正式開始玩，去相： 成個大廳都係麵麵麵麵麵麵麵麵 我請你食麵 大家一齊自製杯面 好溫馨好CUTE呀！！！ 係就係可以自己畫 自己揀料 不過其實個面都係姐姐整的 嗚嗚 （超想搶走杯面姐姐既工作自己動手） 留意番 拉面館其實係叫安藤百福發明紀念館 參觀完杯面館 街外仲係落緊毛毛細雨 溼轆轆既地面同五光十色既霓紅燈成為左最好既映襯 而我記憶中既橫濱就係一個咁樣既城市 有一種唔需要FILTER已經好迷離既視覺效果 慢慢行左去紅磚碼頭 竟然有少少似上海灘既感覺 入面有好多日式家品 文青時裝同精品店 係NICE架 購物點唔多講 離開紅磚碼頭 我一直沿著海邊散步 然後一如以往地 well 蕩失路 隨便入左一間7﹣11到搭訕問路 有前半日既經驗 我點都無諗過呢間小小既7﹣11入面有個隱世英語超流利店長 “You're luck enough to bump into an English-speaking person here. If you wish to get to……”兩個紅色心心快要從我眼裡飛出來!!! （店長既英文PROFIENCY簡直係 達人級 完全無grammatical mistake 比往後幾日遇上的JR旅客中心既前檯姐姐還要好） 我有一種小智誤打誤撞遇上大木博士既感覺 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣ 手持大木博士寫比我既愛心叮囑MEMO，我又重新上路去拉面博物館了！ 由於落住雨 對CONVERSE又入哂水CRY 我都無咩（心情）影相 幾經辛苦去到新橫濱拉面博物館 見個門口冷冷清清咁還以為中伏了（入場費310JPD） 諗住拿拿臨入去食個面唉走人啦好攰呀 但係 原來傳說中“日 本 唔 會 有 伏 ”係真的！ 館內就猶如一條復古村 將舊時既日本街道一比一呈現你眼前 雜貨店 酒館 髮廊 不動產店⋯⋯ 最CUTE既係D拉面店係有人係入面開鋪有拉面食嫁 八九間任你揀 大小佈置都係有心思到爆 實在太讚了 （奈何二樓大部分街道較暗同窄 唔多影到相） 中庭既CUTECUTE大牌檔 檯櫈都係由汽水架搭成 最後吃了一碗全鎮最平既塩味拉面（790JPD）黎總結勞累既一天～ ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣ 打左成2000幾字好攰 唉一個人去旅行好處兼壞處就係你會將D細節記得好清楚 清楚到有時無人想知但自己死都要講 以後幾日我會盡量精簡精簡 日本遊暫告一段落先 下次寫DAY2河津櫻花祭前或者會穿插下D日記 想知我個GIP最後去左邊……? 哈 哈 哈 STAY TUNED
