點擊圖片放大 位於沙田石門嘅帝逸酒店,喺沙田區來講係最新嘅酒店,如果坐車去可以去石門站落車,距離石門站步行大約8分鐘就係到,如果揸車到酒店停車場$50 1小時,食滿$500有1小時免費泊車,如此類推,最多可以3小時免費泊車。 我係帝逸酒店官網,睇過好多次都好full Booking,Book極都book唔到位,無論係自助午餐或者係自助晚餐都要預早一個月左右預約,咁我當日26/8/2021 平日嘅星期四早上,直接打電話去酒店問自助餐午餐有無位,結果餐廳職員竟然話俾我聽係有位,但係得吧枱位,問我介唔介意,咁我當然唔介意啦,即刻直接要咗個位,當時都有心諗坐吧枱位會唔會好唔舒服,不過唔理啦,都照去啦,因為實在太難book。 去到停車場有大量車位唔需要等,不過上到去餐廳就要排隊入座,都要排一陣,因為都有十幾20人等緊入座,咁都好快安排咗我哋坐入去,咁講返頭先原本諗住坐吧枱會好唔舒服,但係其實係無個問題而且好舒適,張枱仲要比平時嗰啲大。 點擊圖片放大 +3 坐低後,見到餐具用保鮮紙包好,好貼心,當日係全滿座非常之多人,不過食嘅過程之中職員收碟速度都好快,咁我唔係第一次去帝逸酒店食,我之前已經食過自助晚餐,我主要係想講其實我上次食同今次食嘅質素係唔同左,我唔知道關唔關午餐同晚餐價錢唔同嘅關係,咁我今日午餐自助餐一位價錢係$ 298全包。咁講返食物點解我話質素唔同咗,我去酒店食自助餐我嘅選擇通常係燒牛肉,生蠔,刺身,呢三樣係必食,燒牛肉偏乾,鞋,老實說我自己喺屋企整得好食過佢,生蠔係即開即沖水,質素好唔穩定,因為我食咗八隻,有部份唔新鮮完全食唔到落口,有部份就好靚好好食好新鮮。,真係唔知點解會有咁大偏差。刺身我淨係食咗三文魚新鮮嘅肥美口感好。另外,我仲食咗小籠包非常難食食唔到落口。日式串燒好食唔會太鹹,日式炸物有水準皮脆薄。乳鴿好似要搶咁滯,因為一出唔使1分鐘無晒,好多人拎,以為好好食,點知原來都係一般乾鞋。甜品一般酒店水準唔會有太大驚喜但ok的。總括來講:食物仲有好多進步空間可能價錢平唔知關唔關事,除咗食物之外其他都好滿意,環境乾淨嘅,酒店職員態度服務好嘅,見到係快手快腳工作亦都有笑容,座位舒適,我哋兩人埋單$ 596,應該只有一個鐘頭免費泊車,不過買單嗰陣時俾咗三個鐘頭我哋免費泊車。期望下一次去食物會有進步。💫 Facebook💫 https://www.facebook.com/104990037845527💫Instagram💫 https://www.instagram.com/Yandyhk記得訂閱 👉🏻 Yandy https://youtube.com/channel/UC8H4m5GWWRJxcXqMQfy66FA點擊圖片放大 +3