上網見唔少爸爸媽媽 (特別係媽媽)為咗幫BB轉奶粉，幾乎試勻晒坊間所有奶粉品牌!我就未去到咁誇張，不過我揀奶粉比我家BB個時都花左唔少功夫!而且喺轉奶粉嘅過渡期嗰時，都有唔少難關!最後我揀左美素金裝!為咗其他爸爸媽媽都可以揀奶粉同輕鬆幫BB們過渡轉奶粉嘅適應期，我集結咗自己嘅個人心得同埋「爬文」得出嚟嘅結論，同大家分享吓我家BB喺轉奶粉時會遇上咩難關，而最後又可以點樣解決!難關1：BB食開甜奶粉，抗拒飲天然味道奶粉要幫我家BB揀啱佢飲嘅嬰兒奶粉，除咗要睇佢入面嘅營養、係邊到生產、有冇加工之外，口味呢一環都好重要!有啲奶粉會比較易入口，因為加咗蔗糖或者雲呢拿香料，不過我就擔心會加左甜味既奶粉會令到我BB變得重口味!而且偏甜嘅奶粉會搞到BB起痰、熱氣、甚至蛀牙;而我家BB轉奶粉嗰時，可能平時飲開太甜，好多時都推開奶樽唔肯飲，或者啜一兩啖就「收口」，不過仍然我堅持揀剔走咗有蔗糖或者香料嘅奶粉，轉奶粉初期BB都有啲抗拒，後來我再以梅花間竹嘅方式，一餐一餐咁轉換奶粉畀BB飲，BB就由飲幾啖、去到飲到半樽、最後終於可以飲晒成支喇! 以下係我發現含有蔗糖或者香料嘅嬰兒配方奶粉 梅花間竹嘅餵奶方式 難關2：轉奶粉要解決便便困難/便秘問題!其實我BB未轉奶粉個時，得幾日先有一次便便，而次次去便便都谷到臉仔都紅晒，見到BB咁，做媽媽嘅梗係心痛啦!我唯有幫佢按摩肚仔、同時畀多啲水同高纖維嘅糊仔佢食，情況都係時好時壞。所以我轉奶粉個時都想解決埋呢個問題!上網爬咗一輪文之後，發現有唔同推介。例如· 有D媽媽話Hipp ok，不過D貨既質量唔係咁好，好多潮濕左既貨，而且有d BB食 hipp會痾水;· 食aptamil好似一加固配奶粉就會柯石春一粒，硬到石頭甘!· 食美贊臣A+ 便便就會有少少爛· 有唔少媽媽話轉咗美素金裝奶粉，BB就無再便秘;甚至有媽媽話一直餵開呢隻奶粉，BB都無便秘問題 除咗睇唔同媽媽嘅推介，上網都有望吓消委會推介，等我Show個整合表畀大家睇： 大家可以去認真睇下篇文，講得好詳細：https://www.baby-kingdom.com/健康/【嬰兒健康】牛欄、美素佳兒、雅培等_款獲消委會認證不含致癌物奶粉的資料一覽-319131對比完咁多嬰兒奶粉嘅牌子，最後我揀咗轉美素金裝奶粉嚟試，因為佢嘅表現各方面最平均，同時又見到唔少媽媽都話BB飲咗佢日日有便便;而轉咗奶粉一段時間之後，BB嘅便便情況真係有改善!幫BB轉嬰兒配方奶粉，可以話係BB成長嘅一個「里程碑」，所以希望咁多位爸爸媽媽都可以揀到啱自己BB飲用嘅奶粉!
