今次要介紹既係American Standard既座廁，點解冇啦啦講廁所呢？其實係有一段小經歷！ 唔知有冇人同我一樣，好著重「便便」時既環境呢？我一定要好安靜，拎住手機，先可以享受到最佳既便便體驗。 但呢排煩惱既係，便便完之後，可能因為個座廁用得耐，沖水力冇以前咁強，沖唔走便便同污垢，沖到落去，有時又會塞塞地，要沖幾次先乾淨，好核突～ 加上座廁開始發黃發黑，就算用消毒藥水清潔過，唔夠一星期就污糟返，愈來愈積藏細菌，之前都冇所謂，但最近肺炎肆虐～新聞又有案例話病毒有可能會係座廁傳播，所以有啲驚，想換一個新座廁。 換一個新座廁唔簡單，首先要睇下自己屋企適合用開邊隻座廁，座廁簡單黎講有分虹吸式同洗落式，前者係指座廁下方會有道力將排泄物「吸」走，後者係指水箱灌水將排泄物沖走。 其實我用邊種都冇所謂，最要係沖走到啲頑固便便同污垢，唔好咁易變黃變色就OK！ 於是我就去到浴室潔具專門店試，試左幾個，覺得American Standard既座廁係最好！即刻買返屋企叫師父安裝～ 介紹一下American Standard既品牌背景先，American Standard超過百年歷史，隸屬於全球最大既衛浴生產集團─LIXIL Water Technology，全球有百多個國家都有其產品出售。 American Standard除左座廁，其實都一直致力提供最佳衛浴體驗俾用家，等用家係屋企住得更舒適，生活更美好。但我今次就主力講American Standard既座廁。 而我買果隻American Standard座廁用既沖水系統，係全新既Double Vortex技術，可以用最少既水量、達到最大沖洗效果，節省水量之餘，又有效沖走殘留物。 而佢係一種比較新型既沖洗模式，喺座廁廁盤內會有兩個射水孔，沖水時會產生兩道強力渦流，形成一個小旋渦，將所有污物沖走，亦可沖淨座廁。 而果兩個射水孔係無邊框，用耐左都會有黃色水垢積聚，而且超級慳水！比一般直沖式廁所減少超過1/2既水量。 最緊要既係，佢呢種沖水模式濺出黎既水花，比起其他洗落式既水花少好多，所以細菌或者病毒彈出黎既機會更少，中招既機會自然大減！（不過都要記得蓋左廁所板先好沖廁呀！） 而佢地既Aqua Ceramic專利超親水技術，仲可防止污漬依附係陶瓷表面，唔怕便便後，會有排泄物仲係上面～加上Proguard革命性技術，可以抑制水漬係座廁上面生成，唔會咁易變黃變黑，令用家清潔變得更容易。 喺American Standard既座廁幫手下，呢排便便終於冇哂煩惱，又唔洗驚有細菌病毒傳播，望住沖得乾淨，咁白雪雪既座廁，一整日既心情都好好多！～ 更多文章：第一次試用GROHE水龍頭~好用到老公都讚好 【家中必備】GROHE過濾式水龍頭 + 雨淋花灑套裝介紹 抗疫之浴室潔具：American Standard 座廁介紹 【浴室潔具係列】邊隻水龍頭牌子好？最強科技設計集於一身 頂級浴室潔具享受！GROHE雨淋花灑套裝~~
