香港大陸通關，咁係要去大陸玩下啦，今年係去深圳過年，然後我就揾到哩個夜晚風景好靚嘅地方！地址：二十四史書院準備工作：大陸電話卡、wechat、高德地圖app過完關之後坐地鐵，轉綫到地鐵10號綫，坐到甘坑站B出口，然之後打開地圖app跟住導航，可以打的士或者行路，我個人建議係坐的士。來哩度玩要買飛，60蚊，夜場係30蚊（17：30-21：30），唔好太夜去，20：30就唔俾入啦。我哋係晚黑去嘅，只能夠講風景實在太靚，簡直就係現實版嘅夢華錄，缺點就係如果天氣唔係好凍嘅話會有蚊，假期去嘅話人有啲多，鍾意嘅姊妹拎個證件過關去睇啦！
