由於呢度經常update唔到 and 死server, 現正慢慢搬家到 https://xenianlui.blogspot.com/ 2018-10-13 (Sat) - Day 3 慶幸心語黎到日本無水土不服, 又無唔舒服, 反而因為我地合併兩張床後, 好開心, 係咁爬來爬去, 左碌右碌~ 辛苦了吳太及嫲嫲~ 呢個旅程一定要食既, 就係<網元別館>, 主要都係食蟹, 好似係蟹道樂集團既, 上網search過呢間係推介, 希望試到, 但由於間舖係有分 smoking and non-smoking, 而我地由於有BB既情況, 又唔想book定(始終要因應BB黎安排行程), 所以本身諗住放棄....因為去到先網上book已經full左..... 不過我自己膽粗粗直接行去問下, 因為吳太好想去食 XDD (午餐應該無咁多人掛? ) 駁下d人cancel booking or 有留位比 walk-in 自己睇住 google map 行呀行呀~~~ 見到一對夫妻(估喳)坐係度畫畫, 好寫意啊 ! 唔知第時我同吳太老左, 會有做d咩呢? (兩個都唔識畫畫) 大黑橋 好靚既建築物 呢個地方幾特別, 會set個台出黎比人表演之類, 而對面就係觀眾 由於前排沉迷 PS4既 人中之龍, 黎到大阪見到呢個景, 好熟悉既感覺, 哈哈, 正啊~ 終於行到黎 <網元別館> !!!! 結果係有位呀 :))))) 寫低個名, 講自己幾點會到, 就等候全家黎喇 點擊圖片放大 +2 網民真係無推介錯.....其實我無特別鍾意食蟹, 但食落都覺得好新鮮好好食 ! 最正係有間房比我地, 唔驚影響到人, 尤其是心語, 可以周圍爬 ! 而枱下面係有一級可以放腳既, 唔駛"橋"住腳黎食 ! 如果黎大阪, 一定要試一試 <網元別館> 價錢合理, 質素非常高 ! 係昨天買定左既 大阪市內版(連海遊館), 每張 2550 Yen, 由於任搭鐵路既關係, 計返係會平過就咁買門票 ! 有地圖指明邊d路線可用市內一日版 另外有講張卡去邊度有 discount 路過見到覺得幾搞笑, 所以影低左 海遊館 : 中央線「大阪港駅」1號出口徒步5分 d路好闊呀, 唔會覺得逼 點擊圖片放大 呢度就係海遊館喇, 外形幾特別丫~ 唯一一個唔方便就係一開頭要收BB車搭電梯 入場時會有個地方影大合照, 我係有買到既, 難得一家人嘛, 亦有幫我用相機影相, 捕捉到心語興奮樣, very good ! 心語見到好多魚既表情 ! 點擊圖片放大 右下角張相, 見到條魚嘛? 唔係石黎嫁! 行左大約兩個鐘, 我覺得大阪呢個海遊館D海洋生物好活躍, 係咪代表照顧得幾好呢? 心語都睇得好開心, 舒舒服服既行程, 推介景點之一 行完海遊館, 不妨玩埋附近既 天保山摩天輪 聲稱係世界最高 112.5米 當然要自拍一張喇, 入面都幾大嫁, 坐到 6 個大人, 重可以放埋BB車添 (心語已經訓左) 好靚既景, 真係好高 ! 畏高既我同埋婆婆, 淆淆地 ! 下面睇摩天輪好靚嫁 如果一家大細去旅行, 絕對推介去海遊館 + 摩天輪呀, 而我就編係環球影城之後, 舒舒服服輕輕鬆鬆, 就算星期六都唔會太多人, 入面又多海洋生物睇, 正啊~
