天氣凍, 而室內好暖既時候, 特別好訓嫁!!! 不過我地都無訓得太耐, 起身極速食個自助餐就出發~ 今日要去睇比薩斜塔啊~~~~! 預先上網 check定幾時有國鐵去 ~~ 去 Pisa 唔駛買定飛都得, 因為現場買唔係貴, 去程每人 8.4 EUR ~~ 回程就到時先買, 有好多班次既~ 就係呢部機買喇 (現場有好多部的,放心) , 買之前睇清楚有無去果個站 , (我地選擇左搭去 Pisa Central 站, 再轉公車, 其實 Pisa S Rossore站可步行去, 但我地唔想麻煩, 所以比多少少錢喇~~最主要係 Central D 班次密好多) 兩張車票~~~ 11點鐘左右 記得上國鐵前, 要打一打卡啊, 以免職員check飛又話無打卡有問題喇 ! 打完卡之後個邊會多左行日期時間 ~ 搭到去 Pisa Central 站, 我地唔知邊度搭公車= ='''' 我地當時左搵右搵....發覺原來係個站對面馬路個公車站上車的... 睇清楚經唔經比薩斜塔先好搭啊~~~我地上車先買飛既, 每人 2 EUR (其實係鐵路站入面有攤檔賣公車票, 好似每人 1.5 EUR, 自行決定 ) 搭公車都係靠 GPS 睇邊個站落車, 因為架公車唔係停正門口, 大家要搵多d資料啊~~ 12點, 終於黎到喇 !!! 一黎已經見到比薩斜塔, 特別斜左出黎 XDD 沿路可以見到好多旅客(如上圖) 不同既 Pose, 別有一番趣味~~ 上網睇人地d pose好似好簡單, 但做落其實好難, 同埋好攰嫁 !!! 不斷做唔同動作, 咁樣玩玩下就影左成粒鐘, enjoy ~~!!!! 企係石柱上面係影得最近, 但當日天陰, 變左d相唔夠光 lu~~ (記得去之前上網搵定 "必影Pose" 丫 ~~~! 到時好多人無時間諗) 跟住係附近餐廳食lunch.....唔抵食, 亦都唔好味~ 咁又用左 23.4 EUR 其實比薩斜塔有興趣可以登頂 (但我地無乜興趣), 旁邊幾座建築物比左錢都可以入內參觀 不過我地最想都係一睹比薩斜塔有幾斜, 影下相only, 就無再花錢入去 lu~~~ 臨走前見到呢個人著住 Subway 係度 promote, 覺得佢同周圍格格不入 XD 同埋好樣衰 T_T 逗留左兩個幾鐘, 走人~~~又出去搭返公車, 再去搭國鐵 (回程每位都係 8-9 EUR), 返到去佛羅倫斯都已經 4點幾, 好攰呀~~我地又返酒店 hea 下~~ 呢個旅程好多時都係hea住過, 其實咁樣幾舒服, 無咁chur, 另外因為室外太凍, 係pisa逗留2個鐘真係極限, 吹到面都僵晒 https://youtu.be/wMicrB7iEHM 大約 6 點鐘, 係酒店間房望出去, 見到勁多雀係度飛來飛去, 成千上萬隻, 呢個畫面大概只會係外國先見到, 好似雀仔既匯演咁, 好好睇, 睇到唔捨得走啊~~~跟住我地去左 Supermarket (Esselunga S.p.A.) 買下朱古力, 酒, 手信咁~~~~ 睇完去覓食, 途中我地見到幾間中式餐館 !!! 最尾揀左一間叫 "隊長面館" ! 因為佢平, 同埋入面好多客 ! 呢間 "隊長面館" 真係好食, 太多日無食中餐喇~~~!! 好滿足啊 ~~! 店內員工係講國語, 飲品亦都唔係貴, (難得係外國見到黑色罐裝椰汁!) 兩個人食到飽晒都只係 17.5 EUR !!!! 平過晒之前所有既西餐 ~ 強烈推介大家去食呀, 地圖就無喇, 但係 GPS 搵 VIA S. ANTONINO 同埋 Hotel GIORGIO 果條街就搵到嫁喇 ! 食飽都 9點幾, 行返去酒店梳洗休息 lu~~~