朝早起身享用返酒店既早餐 (book房包埋) 好難得地竟然見到繁體字 !!! 出前一丁呀~~~~ 但好hea地只提供碗, 同埋旁邊果個熱水壼..... 麵包類, 一般~ 每間酒店都會必食既營養早餐 外國人習慣早餐食生果, 我地就無食喇 當時我就係咁樣整熟個出前一丁.......(加左d腸仔, 煙肉 :) 但我地都曾經失敗過, 因為D水唔夠熱煮唔到 (唯有叫人換水) 在場唔見有人食, 我相信外國人係唔會食出前一丁 食飽整頓一下就出發, 無諗過佛羅倫斯竟然落雪 !!! 係雪丫~~ 第一次遇上飄雪~~細細粒吹埋黎~~~~~ Surprise還Surpise, 但係好凍~~~!!!! 落雪天色麻麻~~~ 佛羅倫斯既景點基本上靠對腳就已經可以行晒, 唔算好遠~~~ 呢個係我地第一個見既景點 ---- 老橋 Ponte Vecchio 老橋是義大利佛羅倫斯市內一座中世紀建造的石造拱橋,橫跨在阿諾河上,橋上直到目前為止仍有商店存在。橋上的店鋪最初為肉鋪,現在則多半是珠寶店和旅遊紀念品販賣店。老橋也被認為是義大利現存最古老的石造封閉拱肩圓弧拱橋,也是佛羅倫斯著名的地標之一 。 沿路經過 碧堤宮/ 彼提宮 Palazzo Pitti 但我地唔係太熱衷睇作品, 所以無入場觀看, 只係門外影幅相而已 佛羅倫斯彼提宮是一座規模宏大的文藝復興時期義大利佛羅倫斯的宮殿。位於阿諾河的南岸,距離老橋只有一點距離。1458年建造時原是一位佛羅倫斯銀行家盧卡·皮蒂的住所。 1549年,這個宮殿由美第奇家族購下,並作為托斯卡納大公的主要住所。通過世代累積皮蒂宮逐漸儲藏了大量的繪畫、珠寶和貴重的財寶。 跟住行下行下 經過左一間舖, 見到入面有人傾計, 見到格調又幾特別, 咪入去望下囉 入到去先知原來兩個都係 staff 黎既....= = !!! 跟住佢地就好熱情咁同我地講解舖頭d產品全部都係 handmade 有紙, 有簿, 連圍巾都有...etc (但好貴下) 跟住其中一個女職員就邀請左我地睇佢點製作一張獨一無二既紙 就係盤水面放一張紙, 跟住用果支掃畫出黎 店內既 sample 有呢D款, 人地咁熱情示範比我地睇, 唔好意思就咁離開~ 周圍望下有咩岩心水又合價錢 最後用 20 EUR 買左呢本日記, 幾精緻丫, 而且我亦都想買本日記記錄下 (但入面D時間只係由 0700 - 2100 , 可能意大利人 2100 後習慣休息 ???) 呢個就係藝術家喇~~~張紙就係經佢製作, 拎埋簽名嫁~~XD 實物係幾靚 如果大家想買D有特色既手信, 推介過黎呢間揀下( IL PAPIRO, 有唔同分店) 行到去老橋, 原來好多都係賣珠寶~~唔岩我地窮人 黎到 領主廣場 Piazza della Signoria 領主廣場是義大利佛羅倫斯舊宮前的「L」形廣場,得名於舊宮。 這裡是佛羅倫斯共和國起源與歷史的焦點,至今仍享有該市政治中心的名聲。這裡是佛羅倫斯人以及眾多遊客的聚會地點。 令人印象深刻的14世紀建築舊宮及其鋸齒形塔樓仍然統治著廣場。廣場上還有傭兵涼廊、烏菲茲美術館、商人法庭和烏古其奧尼宮。 顯得我好渺少...呢d雕像係廣場前面係免費既~~~ (其實就咁放係度, 打風落雨咪好易磨蝕 ????) 就咁係出面影下相, 欣賞下雕像就離開 lu 共和廣場 Piazza della Repubblica (呢個地方好華麗, 一個彷似凱旋門咁既入口) 共和廣場是義大利佛羅倫斯的一個城市廣場。這個地點最初是古羅馬城鎮的廣場,後來成為該市的舊猶太區,當佛羅倫斯成為統一的義大利首都期間,進行了城市改建,修建林蔭大道,這個猶太區也被徹底清理。廣場上仍可見到猶太區的遺迹。 一路跟住 GPS, 終於黎到 聖母百花大教堂 ( Duomo – Cattedrale di Santa Maria del Fiore ) 好靚丫~~!! 個線條好似畫出黎咁 !! 第一下真係視覺上既震撼~! 夠晒宏偉 ! 又稱花之聖母大教堂 — 一般稱為「主教座堂」,原意完全沒有"百花", 雖然被以訛傳訛沿用, 其實極為誤謬, 不宜稱其為百花, 是義大利佛羅倫斯的主教堂。 屬哥特式風格的主教座堂始建於1296年,由建築師阿爾諾夫·迪·卡姆比奧設計,並採用了精通羅馬古建築的工匠菲利波·布魯內萊斯基著名的圓頂(穹頂)建造,1436年最終完工。 大教堂有著十九世紀哥德復興風格的立面,出自建築師埃米利奧.德法布里斯之手。其外部使用色調深淺不同的白、綠和粉紅多色的大理石塊所鋪砌而成,色彩斑斕而和諧。 整個教堂建築群位於主座教堂廣場,由主教座堂、聖若望洗禮堂和喬托鐘樓構成, 並被列入聯合國教科文組織的世界遺產佛羅倫斯歷史中心(1982年)的一部分,因此吸引了世界各地遊客紛至沓來,是托斯卡尼地區的旅遊勝地。 花之聖母大教堂是義大利最大的教堂之一,而其圓頂是有史以來最大的磚造穹頂。 入面個穹頂都好正~~~值得企係度欣賞 (行得攰可以入去坐低休息, 欣賞一下內部) 以前有得齋比錢登頂, 但我地去果時發現原來已經無左, 一定要 all in one package, 15 EUR 一個人, 由於我地只想登頂, 所以覺得貴左 D 無登頂~ (當然有後備plan) 行行下都成 1 點鐘, 又上 tripadvior覓食~ 去左呢間細舖 Mangia Pizza Firenze, 份量適中, 味道正, 價錢抵 , 推介 但係都幾難搵, 一定要 GPS ! 食飽決定行去米開朗基羅廣場, 呢張相個重點係中間著住粉紅色衫果個人同一個黑衫男人 因為我地行行下期間, 佢兩個人無喇喇走埋黎同我握手, 跟住又表示想同我合照 好在吳太夠機警, 叫我唔好理佢地, 估佢地係屈人影完相要比錢, 結果見佢地行到去橋果時, 有一男一女外國人中伏, 影完相唔比佢地走, 係咁要佢比錢, 為免麻煩, 我建議大家都係唔好理街邊D人, 通常主動過黎搭訕都有企圖 (我咁講係因為第二日到我中伏) 行到黎呢度....見到又係無盡既樓梯...T_T 令人精神為之一振, 震驚個震... 係外國行樓梯既次數已經用左一年既 quota ......空氣薄弱既情況下..... 幾經辛苦, 總算上到黎呢度喇~~米開朗基羅廣場 Piazzale Michelangelo 只是個空空的廣場,廣場上除了一尊米大師的大衛像、零星小攤販之外,什麼也沒有,但是這裡卻是佛羅倫斯(翡冷翠)最經典的觀景處,是個可以從高地上俯瞰佛羅倫斯全景的最佳地點。 Hello~又見到你喇~~~點解周圍都見到你既呢 ? 上黎影下相, 影左一陣就走人, 行左差唔多成粒鐘, 上黎影 15 分鐘 XDD 值得既, 但我建議大家上黎可搭公車, 離開先行路欣賞景色 (有人話黃昏景色都值一睇, 但太凍了 ) 我地係上車先每人比 2 EUR 司機購票~搭返去酒店休息左陣 夜晚又係 tripadvior 覓食, 搵左間係酒店附近既餐廳 - Trattoria il Contadino 兩個 Set 加埋食左 28 EUR, 個set係勁多野食, 份量重要勁多.... 麵包我地無食過 就咁比返佢, 薯條多到呢....一個人食完都飽了 = = 跟住意粉又係大大碟.....究竟邊有可能食得晒.... ???? 味道係一般 最深刻莫過於呢隻雞, 我地一致覺得係唔好食, 怪味既, 香港整雞肉, 通常都OK, 反而係意大利食過雞既料理, 都係覺得難食...所以之後無再叫雞類 食飽再去多次共和廣場~~諗住睇下聖母百花大教堂夜晚有無特別~ 結果係無特別, 有少少失望~~~ (後悔安排少左一日係羅馬, 羅馬夜晚值得睇返相同景點)