朝早係酒店食完早餐之後就check-out, 比酒店稅幾貴下, 住兩晚要 24 EUR (每人每日 6 EUR) 寄存行李係酒店後就出發去梵蒂岡喇~ (呢間酒店麻麻地, 無水煲提供, 成日要拎個水壺落去斟水...D staff又無乜笑容 不過有個特別之處就係呢間酒店有智能床褥, 有按摩功能, 都可以一試) 明明 book左 09 00 去梵蒂岡博物館 Vatican Museums, 但我地遲左出發 不過我上網睇過遲少少其實無問題 (上網訂購 每人 16 + 4 EUR ) 搭 Metro 去到 Ottaviano 站之後步行 10 分鐘左右, 沿路有路牌指示, 但係途中不斷有人會問你去邊, 話你知邊個方向, 由於唔知係咪呃人, 所以我地半聽半靠 GPS, 無花時間同果d"職員"溝通 最後見到呢座野就知黎到喇~~~~! 張相放大黎睇, 會見到黃色燈柱下有一個戴住職員證既自稱職員既男士, 行過去時又捉住我地講左好耐野, 又話如果你而家由呢度開始睇, 會睇唔切聖彼得大教堂, 叫我地唔知係邊度join多個plan就一定順利到達, 同樣地, 我地根本唔知佢係咪職員, 再加上我地個行程唔係 fix 死, 所以聽完之後都話無需要, 就繼續沿住欄杆向上行 lu~ 梵蒂岡, 世界上最細既國家~~同意大利就只係爭一牆圍牆 09:30 左右終於黎到梵蒂岡博物館 (Vatican Museums) 門口, 無遇到排隊人龍, 只係直接入去就得, 反而跟團好似要排隊等候 入到去換票同現場買票都唔係好多人, 淡季真係唔同D 其實我地都唔係對藝術非常感興趣既人, 只係純粹黎參觀下, 所以我地都只係走馬看花 難得見到一個雕像係 "完整" .... 呢個都幾得人驚嫁~~ 覺得呢d手工好好, 唔知係咪真係以前既人整 點擊圖片放大 金碧輝煌的天花板~~~好美 雅典學院 最後的審判 (原諒果時太多人, 我地無為意係禁止影相) 我比起圖, 其實更欣賞呢d工具 睇睇下都原來 12: 30, 都要食個lunch, 以免陣間去教堂無得食, 係博物館入面有餐廳, 無錯, 我地又係食呢d一早整好晒既pizza, 選擇唔多, 但價錢尚算合理, 可能真係厭厭地, 兩個人只係一齊食一個pizza同飲杯野, 9.5 EUR 記得唔好漏左一個係庭院內地庫既觀賞馬車地方, 有唔同年份既馬車, 好靚 :) 離開前會經過呢個螺旋梯級, 又係一個必影位置 我地唔識欣賞藝術品都行左成 4 個鐘...如果熱衷藝術既人, 真係要花一日時間丫 跟住 13:30 就去到聖彼得大教堂 San Pietro in Vincoli 一個免費入內參觀既教堂 (登頂需收費) ~~~入內前必須經過保安檢查 (聽聞早上黎會無咁多人, 但由於博物館兩邊揀, 我係較想去睇後者多D) 即使淡季去, 都好多人排隊, 我地 一個排隊, 一個坐旁邊石階等候 要注意既係好多雀係度飛來飛去 (小心中頭獎) 14:00 左右終於過到安檢入去喇, 原來排咁耐係因為安檢只開三部機...排半個鐘, 還可以吧 總算黎到聖彼得大教堂, 我想登頂既地方,登頂有兩個選擇 8 EUR: 升降機 + 梯級 320 級 6 EUR: 純梯級 551 級如果各位想做運動, 可以慳 2 EUR 去行既, 至於我地兩個就寧願比錢慳返啖氣暖下肚 現場果時一早已經諗住係比錢升降機, 所以當時我係無睇過有幾多級 T_T 完全無心理準備要行咁多級囉 !!! 又凍, 又窄, 又斜, 又歪 (見上圖) , 行起上黎好頭暈 無心阻到後面位女士, ( 佢行到一半無力要坐低抖抖 ) 每當諗住 "係咪到喇" 既時候, 都係未到既, 呢d轉角位真係更暈 ! 其實行左只係 6-10分鐘, 但好似行左好耐咁 XD 環境影響吧 ? 幾經辛苦 (好似係) , 終於上到頂喇, 睇到靚景真係乜都抵返晒, 頂部有欄杆, 所以自拍係唔好睇的, 伸手出去影相時要小心啊~~~ 而最緊要既係, 上面好 Q 大風, 好 L 大風 同埋 好 X 大風, 凍到塊臉結冰咁 望得到其實羅馬建築偏向呢隻色~~ 呢個景就係我最想睇既景黎, 岩岩就係下面既左邊位置排隊喇~~~ 電影<天使與魔鬼>尾段出現過既位置就係講呢度 la~~~ 登完頂就落返去喇, 係上面等升降機果時等左一段時間, 凍到癲, 行完梯之後有間舖賣紀念品, 買下postcards 睇下野 暖一暖~~ 落黎入返教堂內部欣賞, 樓底真係好高好靚~~~ 睇睇下野有人係下面道門走出黎, 嚇親吳太 XDDD 果個位置又真係無心理準備既~ 之後重有地庫位置, 可以睇教宗D墓, 但個入口唔係呢度, 無影低, 要自己搵搵~~~ 15:50 左右就睇完聖彼得大教堂, 絕對值得一黎~~~ 去左食 tea...又一中伏之選, 所以揀餐廳真係要睇 tripadvisor = = 食飽野返 Termini 酒店拎行李出發去國鐵站, 等國鐵去佛羅倫斯, 去前一個月買票, 兩個人 total 49.8 EUR 坐 Premium 去到車站後我check票價, 一個人坐 Economy 已經要 45 EUR, 即係一個 double~ 建議人早 30 - 60 mins 去到車站, 我地係 18:50 列車, 17:40左右都未見列車上板 好在 Termini 上層有得坐下, 坐係度等到差唔多 18:20 先見到上板~~ 上列車前記得將車票係月台部機度掃瞄一下, 會打印左個日期係度 Premium 座位無乜特別, 就係送多左盒野 盒入面有食物同水提供~~~ 國鐵真係好快, 20:35 已經準時去到佛羅倫斯 Santa Maria Novella Station 去到又係靠 GPS 搵酒店 Grand Hotel Adriatico, 5分鐘到達~~~ 休息 lu~~
