自由行去旅行既最大好處, 莫過於唔駛日日牛咁早起身, 有時起身都會兩個攤係床度玩下電話, 直到被吳太催先落床 :) 黎到意大利發覺最大困擾係"周圍都有靜電" 唔知係衣著問題, 定係天氣問題, 次次都彈到好痛 = = 今日book左 0940 羅馬競技場既 Underground and Third Ring tours (ENG) 要提醒一下, 呢個tour係去 地底層 同埋 Level 3, 普通持門票既人係無得去既, 所以我極力推薦, 而呢個tour最好要預早book (唔清楚現場join得唔得) 旺季既話可能要兩至三個月前 book (每位 11 EUR 已連預訂費 ) 我地 0800 係酒店食早餐, 食飽就搭 Metro 去 Colosseo站 基本上羅馬既 Metro係好簡單 (如果係香港搭 mtr 咁多條線難唔到你的話 ) 個Tour出email提醒最好 30分鐘前到 我地一出Colosseo站, 就已經望到羅馬競技場, 所以唔駛擔心路程, 淡季真係唔同d, 我地去到係未有人排隊 (聽聞旺季要早一個鐘去排隊) 我地去到都唔知應該行邊個位入, 係條排隊欄杆問職員就指示左我地, 入去前唯一耐d既就係要過 Security, 之後就一路行....心諗究竟行去邊度 ? 直至見到有幾個 counter, 可現場買門票, 於是我地出示tour confirmation letter 換票同埋貼紙 呢個Tour係唔可以單一join tour就算, 一定要連埋門票買, (當然你可以唔join tour, 淨係參觀競技場其他部分) 因為我地有 Roma Pass (免費第一個收費景點), 所以換完票就可以入閘, 我地大概 0925 就到左集合點, 重見到有成堆人, 心諗: 好在趕得切姐~~ 點知原來呢批人係上一個時段 ( 0920 ) 既 tour..... 當佢地開始後, 就得返我地兩個係度吹風 = =....'''' 明明只係十幾分鐘, 但係寒風之下, 呢十幾分鐘好似好耐咁..... 我可以話你知, 就算我著到咁, 都仍然係覺得好凍....0-5度就係咁凍 等到 0940 終於點人, 每人會派發呢部機連耳線, 會聽到個導遊講既野, 係一定範圍內好清楚, 但一遠就會收唔到, 所以同導遊要保持距離~~~ 呢個tour一開始就會行去一個好開揚既平台, (由於英文唔夠好, 而且導遊帶有口音, 以下講解都係憑自己大概估出黎) 然後導遊就開始講解, 其實以前呢個平台係覆蓋成個競技場, 而家還原一部份比大家參觀 中間紅色衫果位女士就係導遊喇~~ 佢有講解平民/貴賓會坐邊度, 同埋競技場既歷史 (如有興趣, 自行上網了解) 亦會講下地底層係點樣, 例如會有升降台將野獸由地底運上平台 企係呢個有接近 2千年歷史既古蹟, 完全感受果種震撼, 當年既鬥士就係係呢度搏鬥, 一個充滿血腥暴力既地方, 亦係當年一個追求榮耀既地方 (試幻想當年鬥士在場搏鬥, 在場有大概 5 萬人係度吶喊喧嘩...) 同埋呢度太開揚....以前鬥士互相搏鬥, 而我地就只係企呢度同天氣搏鬥都已經咁難頂.... 睇完平台果度就落去地下層~~~ 導遊解釋以前就係咁建築, D石會用唔同切角位黎逼實, (好似砌積木咁) 聽佢講完好驚會淋落黎 @O@ 其實地下呢度係有兩層, 但被破壞後, 而家只剩返最底層, 中間果個分隔位就係分開兩層既地方喇 呢個就係還原以前既升降台, 果度太黑影唔清, 會將野獸由地底升上平台, 係個籠前面有轉盤慢慢推郁升上去, 好似打機果d機關咁 黎到意大利, 除左靜電好深刻之外, 行樓梯都係另一件深刻既事, 去得古蹟就遇左要不斷行樓梯.......少d腳力都唔掂, 個梯級幾斜下, 比想像中累 .....T_T 行到上第三層 'Third Ring' 就望到全個競技場喇~~~好宏偉, 淡季都已經咁多人, 旺季真係可能行唔到 XD, 前方對住果個平台就係tour一開始果度喇~ 當然少不了自拍照~~一定要有自拍神棍啊 (雖然街邊都好多人兜售) 望到君士坦丁凱旋門~~ 君士坦丁凱旋門是為了紀念君士坦丁一世於312年10月28日的米爾維安大橋戰役中大獲全勝而建立的。 企係上面都可以望到出面既建築 整個 tour大概 1小時 15分鐘, 聽左好多野(雖然聽唔明都好多) 就咁入黎, 好多野都唔會留意, 一定要有人講先會知道(或者睇書) 個tour完左之後, 去左睇精品店, 睇下postcard, 睇下D書講解羅馬遺跡既原貌, 最主要係...因為太凍, 要入去暖一暖, 買左幾張postcard ,每張 1 EUR 唔算貴, (postcard 有隻可以打開, 市面其他舖未見過) 一開始唔知呢個係咩黎, 以為比人坐定係放物件 ...睇真d原來係垃圾筒黎 呢d梯級, 大概就係歷史原貌吧 ?? (封左無得行既) 行左一個圈, 睇左好多相片同模型 最後係普通入場既地方影張相喇~唔知旺季會係點呢 ? 咁快就中午 12點~~! 競技場外貌都要影返一張~~ 大家如果去開, 其實係可以同時影到凱旋門同埋競技場, 我地當時無諗過得 (直到我回港上網見到) 然後就去旁邊既古羅馬廣場 Roman Forum, 排隊入去都排左十幾分鐘, 呢個門票本身已包左係羅馬競技場入面, 唔駛另外再買, 排咁耐主係因為個security check好慢 意大利真係周圍都好多呢d雀 究竟吳太係度做緊咩, 雙手插袋, 成隻袋鼠咁 睇到未呢? 原來係度剝蛋殼 ~~~ 我地就係靠兩隻蛋頂下肚, 因為都已經成12點半~ 唔知因乜事要扔銀仔落個池塘度 ??? 點擊圖片放大 望住呢個廢墟咁既古蹟, 永遠都唔會想像到, 原貌究竟係點.... 慶幸我地係競技場個精品店望過d相, 知道以前係點.. 以前既一座建築物, 如今可能只剩下一支石柱 由於肚餓, 我地走馬看花咁睇完就離開喇 (其實好大, 要行有排行) 搭返去 Termini 果邊食, 發覺因為係星期日...好多舖都無開, 最後去左間地庫餐廳食 兩個餐咁樣就 25 EUR, 賣相同味道都係一般, 大家樂可能好味d (雞類既食物, 食過兩間, 兩間都整得唔好食) 下午4點幾, 我地出發去聖天使堡, 我地乘搭既交通係 64號公車, 好低能咁搵左好耐都搵唔到 64 = = 重行左去前一兩個站先搵到 (到最後發現 Termini 站旁邊就已經有 64....) 只要搵到架公車有 Ponte vittorio emanuele 呢個站就 OK la~ 搭左 20 分鐘左右就落車, 望住 GPS 黎行好快到 見到聖天使堡 Museo Nazionale di Castel Sant'Angelo ~~~~ "公元590年羅馬發生了嚴重的瘟疫，教皇格里高利一世為了消除瘟疫，組織了一次莊嚴的懺悔遊行，當遊行隊伍抵達附近的哈德良陵墓時，教皇看見了插劍入鞘的天使長彌額爾，這次所見被認為是神跡，預示著瘟疫的結束，從那以後，羅馬人就稱此地為聖天使城堡。 " 由於我地用 Roma Pass 48小時, 只係 free 第一個景點, 所以第二個收費景點我地係要比錢, 不過係半價 本身係 13 EUR 一個人 ( 而家只係 13 EUR 兩個人 :P ) 每個建築都係要行梯級........無盡的 曾經用作陵墓, 城堡, 監獄, 現用作博物館~~ 大天使長米迦勒 一入到黎就一口氣衝上頂, 諗住睇景, 先發覺原來記錯左.... 原來要登頂既係........對面果個聖彼得大教堂... 不過登頂望到既夜景都靚既 (影出黎係靚過實景 hahaa) 好欣賞外國呢d燈光, 令到個場面好 grand 行左一個鐘左右就離開 聖天使堡, 其實唔算好多野睇, 我個人建議有時間就入內兜個圈, 否則就可以慳返錢, 係外面睇下景, 望下天使堡都夠 好多人行同埋影相, 好難得先無咁多人 ~ 睇完搭公車返酒店 , 羅馬既公車其實好方便, 係 d 路凹凸不平, 搞到成程車會好震 = = 好長每程車唔係搭好耐, 否則企係度又震又左搖右擺都幾辛苦下 夜晚 8 點左右去 Sapori e Delizie 晩餐 (係 tripadvisor 搵到既, 個人推介) 呢間係細舖黎, 入去果時有兩枱客, 可能夜喇唔多人~ 外國慣左會點飲品, 因為唔似香港咁免費提供水, 係意大利就算水都係要錢~ 叫左呢個幾好飲~apple juice & pineapple juice 就如我之前所講, 係意大利食 pizza, 我強烈推介揀 d 舖係 即叫即整, 因為係好味好多 !!! 重口味卡邦尼意粉, 唔係人人頂得住 (增肥補品 ? ) 份量絕對夠, 但意大利既意粉, 你唔好預好似香港咁一定會有食材係入面~ 好香, 唔會好硬身~呢個Pizza都係求其揀, 因為太多款 pizza, 吳生覺得好味 ! 吳太覺得 OK ~ 我地食野期間不斷有客入黎外賣pizza, 原來都幾多客人, 估唔到人地都咁夜食, 到埋單走人果刻, 滿座, 有人外賣, 有人等位 ! 呢餐用左 22 EUR, 我覺得係抵食同埋值得既~ 行返酒店期間遇到既建築~~~ 點擊圖片放大
