話咁快就黎到最後一日 lu~~旅行既時間過得特別快 9點幾起身, 梳洗完醒起住左 Dorsett Singapore 幾日都無去過游池同埋健身室, 一於就落去望望 游池係無人游既, 望住既景係地盤....對面起緊野, 至於健身室...因為入面有人做緊, 唔方便影相, 但設施都幾齊全~ 不過時間同體力有限, 參觀過就算喇 跟住又去左 Maxwell Food Centre 食野 (其實附近好食既野真係唔多) 果度既地方就係咁喇, 可能太早, 有好多都未開~ 吳太叫左碗粥, 但佢覺得唔好食, 我就叫返天天海南雞飯, 唔過份丫, 第二次食姐 :) 食飽野就去左附近既林志源買豬肉乾 牛肉乾做手信喇, 但係好多人排隊, 都用左我地唔少時間 ! 11 點幾返到酒店, 極速執行李(計錯時間), 因為我地 2 點機, 12點前應該要去到機場check-in, 重要係機場拎班蘭蛋糕 ! 最終12點半去到機場 T2 , 奔跑過去虎航 check-in !!!! 點知最不想發生既事件竟然發生了 ! 條隊勁多人 !!! 本身多人都唔緊要, 但至慘係虎航竟然開得兩個 counter 做野 !!! 真係嚇到心都離一離 ~! 結果係順利趕到入去既, 奉勸大家搭虎航一定要早d check-in...以免發生意外 ! 唔記得提既係, 我地係13/6搭機去馬爾代夫已經係T2入面 Bengawan solo落左訂買班蘭蛋糕, 都買左好多個~! 所以一check-in完就要入去拎, 拎完再去等搭機~ 最終上到機之後遲遲未開.....因為機件問題, delay左接近一個鐘 ...... 整體黎講我係滿意虎航既, 廉航唔要求得太多嘛~~
