晨咁早 05:00 就要起身, 05:30 出發去馬利機場 Zzz....... check-in之後搭架 shuttle 去左 Kuredu Resort 既 Lounge 地方幾大, 得我地兩個同埋個職員 = ='''' 呢d時候當然係用 Wifi hea時間, 因為唔係即刻起飛 無呃大家, 真係天都未光, 呢個時候大概 06:00 老實說, 之前我係唔知道水上飛機係呢款小型飛機 ...... 見到之後我的確幾擔心個飛機既穩定問題... 硬係型住好易就會......... 水上飛機入面都幾逼下, 坐到十幾人左右喇 (同我地一齊搭果d, 應該全部都係員工黎 ) 同埋都幾焗, 唔知係咪因為我緊張喇~ 起飛過程唔算太過大既震盪, 比我想像中好少少 從高空可以看到不同既島~ 但由於去程我地坐右邊....d島係左邊, 所以睇到唔多, 加上個機師飛到好高......搭到中途開始黎料, 又震又搖.... 唯有keep住個信念, 搭40分鐘姐 !!! 無事既 ! 最後當然安全到埗 ( 唔係點打到呢篇文呢 ? ) Welcome to Kuredu Island Resort ~~ ( 我地係水上屋- All inclusive 包三餐既 package ) 本身我對馬爾代夫無乜太大幻想, 同埋唔認為係一定要去既地方, 可能因為我唔識游水, 大多人黎到都係希望玩水上活動, 浮潛, 深潛...etc 但我黎到呢度之後, 真係覺得有種與世隔絕既感覺 ( 雖然有得上網 ) 果種感覺係幾自由...無驅無束咁, 加上個環境非常優美 (其實幾好彩, 因為6月係馬爾代夫黎講 雨量算多, 但我地幾日都有藍天 ;-) ) 落機後沿住呢d路一直行入島喇~~~( 個島幾大下 ) 行到入去, 兩位職員係度唱歌歡迎我地, 簡單而隆重 la hahaa~~ (走果日見到有 幾pair旅客入島, 負責迎賓既職員數量係 10個左右 ) 由於個島都幾大下, 所以佢分左唔同 area 既 reception, 呢個係水上屋附近既reception, 我地係坐車入黎既 (有提供免費taxi接送) 係reception可以見到 Kuredu 每日既活動 負責介紹果個職員 (Ali) 同我地解釋通常住客會住一星期左右, 咁就可以參加晒唔同既活動, 另外佢都比左張memo我地, 係島上地圖資料等等 (而我地只係住三日) 點解住咁少呢? 其實香港好多package都係住三晚, 所以我當初book果時就咁決定左~ 以下d相就係 Kuredu Resort 水上屋既相片喇 點擊圖片放大 個Area都夠晒大, 間房有電視, 有音響 (for iphone only, 但我地都無 ) 好在我地自己帶左 藍芽喇叭~~~ 要提一提呢個神物 , 本身係用黎晾毛巾 (白色係房用, 綠色for沙灘泳池) 但我地之後係搬左出廳去晾衫 ( 廳有冷氣吹 ) 呢度就係露台, 但我地無坐過兩張櫈, 因為都係拎左入黎晾衫, for人地飲酒吹海風一流 (但我地唔飲酒) 而再下面就係有兩張床, 我地周不時訓係度望海曬太陽, 寫意人生~ (水上屋下面有好多魚, 有時係度望佢地游來游去都係一種享受, 有次見到疑似鯊魚 , 游得好快, 都幾大條下, 但好正~! ) 呢條梯係 for 人地落水游既, 但其實呢邊係相當大浪, 試過行落水, 估計都 around 2米, 比浪沖到游唔到 由於我地買 All-inclusive, 所以每日都係自助早餐, 其實都多野食既, 但好味程度就一般喇~始終香港人口味同外國人口味係有分別既~ 最緊要係雖然佢係無屏障, 但都唔係好多烏蠅, 呢點係值得一讚~ 同埋佢島上唔同 area有唔同既餐廳 (食物大致上一樣) 所以都幾方便, 玩到邊, 食到邊~~ 當你第一日食, OK , 第二日食, 都重 OK既, 第三日都重係呢d.... 個感覺就開始厭 la , 所以當初揀住三晚係明智既~~ 順帶一提, D 甜品係唔好味既 ~ :-( 係餐廳出面有個泳池, 望住個海, 幾正嫁, 不過有幾隻蜜峰成日飛來飛去, 嚇到吳太唔敢游~ 晏就試過落水, 但真係太大浪, 所以最後放棄左~ 下篇先一次過打我地係 Kuredu Island 做左d咩喇 下午近黃昏時間訓係度睇下日落, 一流~ 夜晚我地食完飯, 去左參加個活動, 係聽下介紹潛海時遇到既生物 (其實即係叫人join佢地去潛水喇, 因為要收費既~) 有d日子會有音樂會夾band~但我地都無乜興趣 由於呢次係 honey-moon, 佢地都有送香檳比我地, 但唔好味, 飲左少少喳...~~~~~ 繼續閱讀 2016.06.15-16 馬爾代夫 Kuredu Island 的第二三天
