由於琴日行錯路, 所以已經知點去 斜坡滑車&空中吊椅 Skyline Luge Sentosa 廢事多人, 一早就去玩呢個遊戲 ! 玩之前要戴頭盔呀 ! 個箱入面有幾隻 size.... 但又唔係隻隻size都齊~~ 斜坡滑車一開始會有人教你點控制, (其實有d似控制單車咁)開始無耐會有兩條路比你揀, 上網睇d人話右邊係好玩d, 所以我地兩個都係行右邊條路, 幾好玩既, 適合一家人黎玩既遊戲 ! 玩完個滑車之後就坐返個空中吊椅喇, 見唔見到架滑車呢 ? 老實講, 一早知佢唔係好多安全措施, 對腳又吊吊fing, 但無諗過原來都幾高下.....又再一次挑戰畏高既我..... 全程我都搵野捉實 ! 玩完之後就去左海洋館 S.E.A. AQUARIUM (天氣好熱, 嘆冷氣一流 ) 睇下鯊魚, 魔鬼魚~~~同埋各種各樣既魚類, 可能我地去過唔同既水族館, 已經睇到無乜特別, 用左大約一個鐘就離開 lu , 唔算太大, 有時間可以去下既 之後我地返左牛車水食下野就去機場check-in,準備去馬爾代夫喇! 去到機場T2 check-in之後, 我地去左 T2入面既 Bengawan solo落訂買班蘭蛋糕 (因為問過佢話最好落訂...否則唔一定會有貨, 當時六點前已經無晒大既蛋糕) 搭左四個鐘, 由於馬爾代夫慢新加坡 3小時, 所以大約 19:50 去到馬爾代夫機場, (個機場係好簡陋, 餐廳都有幾間既, 美金找數, 唔平既~ ) 揀左 Hotel Ocean Grand at Hulhumale 一早聯絡左酒店, 搵人接送, 所以一出大堂就已經有個人接我地喇 同幾個旅客一齊坐架 7 人車去酒店, 話就話係近機場, 但原來都幾遠下, 坐車都坐左成 20分鐘 ! 去到之後聯絡左 Kuredu Resort , 話聽日既水上飛機要 05:45 就去到 check-in !!!! my god ! 拿拿淋就沖涼休息.....(對時差黎講, 其實已經11點幾喇...) (間酒店杯飲品幾好飲, 但早餐我地享受唔到, 因為第二日太早... 間房唔錯既, 服務very good, 值得入住) ps : 點解無喇喇要係機場酒店訓一晚 ? 因為水上飛機d班次係要 18:00 之前起飛, 而虎航d機又夾唔到, 所以唯有係度住一晚喇, 水上飛機 幾點起飛, 就要視乎果間公司喇 (本身諗住下午先入島) 繼續閱讀 2016.06.14 馬爾代夫第二天 ( Kuredu Island Resort 的第一天)