Day 2 本來第二日諗住一早起身食早餐, 準時 10點就去到聖陶沙, 但由於前一日實在太夜先返到酒店訓覺... 所以遲左起身 ! 但好在酒店近牛車水 (10分鐘路程), 周圍都好多野食 ! 搭 MRT 去 NE1 Harbourfront, 到達 Vivo City既三樓轉搭 Sentosa Express, 每人要 SGT $4 (其實都幾貴, 因為我地後來發覺其實行入去都係相當之快 ) 人頭湧湧.....其實係要排隊既, 但眼見有d遊客又突然係後面行到上前插隊....無奈的說 轉個灣已經見到 Sentosa 門牌了, 10:30 已經去到, 唔算遲好多 上網聽人講第一個遊戲要衝去玩 Transformers 先, 因為遲左去就好多人排隊 而我大約 10:45左右先行到去排...其實都唔算多人, 反而係排隊設計真係太長....根本無咁多人玩, 行左好耐先去到排隊位置, 最終排左 45分鐘至 60分鐘先入到去玩, (排隊本身無所謂, 最慘後面有一家人, 而個細路多次撞我, 好鬼煩) 好好彩坐架車既第一行, 第一行係逼真好多, 正好多, 我好多幕都大叫左出黎, 大概成個樂園我只能夠玩呢個, 其他就交比吳太去挑戰喇~~~~ 吳太一個人玩呢個 (藍色版) 吊腳過山車 (無得排單人優先既), 比起佢想像中要排得更加耐, 途中會有好多水汽, 玩開機動遊戲既吳太都話第一下衝力嚇一嚇, 之後就無乜特別 吳太玩完 fing 腳過山車之後, 再玩呢個好恐怖既室內過山車 (單人優先), 入面係好黑既, 睇唔切入面d野, 無想像中咁驚 ( 我就繼續周圍參觀下就夠了 ~~~) 思考左好耐, 玩唔玩呢個遊戲....因為我知道佢最尾果下係好高衝落黎, 最終都挑戰左......好在我地一早就自備左雨衣, 如果唔係肯定濕晒 ! (話說玩呢遊戲之前, 係門口有得租locker, 但其實都唔算平, 我地兩個見好多人都係照揹住背包入去玩, 所以我地都無租到, 就咁放係腳前都 ok ga ) 睇呢個show, 好值得睇, 好似迪士尼果d咁, 會做好多爆破場面, 有故事性 唔想濕身既話, 千其唔好坐咁前 ! 玩到咁上下覺得肚餓 la, 去左呢度食野 我地兩個都唔食得好辣, 而呢個餐都尚算頂得順, 每個餐好似都要 SGT $ 10 - 12 呢個餐廳好大, 好多位剩, 所以有一段時間我都坐係度等吳太玩機動遊戲, 我就 connect wifi 玩下電話, 建議大家休息可以黎呢度喇 D職員會同遊客影相, 跟住喜歡既可以去購買, 亦可以影完之後比自己部相機佢, 叫佢幫你影, ( 但我覺得影得麻麻地, 吳太隻手掌呢......? ) 排隊期間見到呢個職員好悶下....因為一直都無人搵佢影相... 大家有時間可以搵下佢 跟住去左呢個唔矚目既地方, Lights Camera Action, 但係超正, 入面好似一個片場咁, show比你睇一間船廠遇到暴風雨既情況, 好震憾 ! 必去 ! 臨走前再去左玩多次 Transformers, 原來下午去, 係唔駛點排隊嫁.... 所以我建議大家根本唔駛第一時間衝入去, 我地第二次去, 只係排左 10 - 15 分鐘就玩到 lu (拿, 今次到佢隻手唔見左喇....) 總結: 本身以為星期日去 USS 會好多人, 但其實d game都唔駛排太耐就玩到, 吳太都差唔多玩晒要玩既機動遊戲, 可能因為 USS 唔算太大, 所以無必要買 fast pass la~ (USS 其實唔駛預一日, 不過我地玩下又休息下又hea下, 所以先用左咁長時間, 正常係可以去埋海洋館既) 之後步行離開聖陶沙...點知我地行錯路, 睇路牌行果個 Walking Trail....誤會左, 各位記得走果時睇下地圖, 行返海灣果邊先係岩既 ! ( The Promenade Sentosa Boardwalk ) 沿路好多電梯, 其實好快就返到去果個 Vivo City~~~ 10-15 mins 左右喇 ! 繼續閱讀 2016.06.13 新加坡的第三天 及 馬爾代夫的第一天