有日接到per face個電話，話我之前係fb page到登記拎skin ceuticals既sample (地點係0係世貿per face拎既) ，然後佢話會送番一個叫做《細胞更生療程》俾我，然後係電話到佢有問我呢排有無用過果酸既產品，由話我最近先買左隻Dr. Douxi杏仁酸30%咁我就同佢講，佢話個treatment到都會有果酸既成分所以就叫我呢兩個禮拜停用。然後個treatment就book左係兩個最期之後。 其實一般黎講，我接到呢d美容院送免費療程電話我都係[ 唔洗啦唔該..byebye (cut線)]既。但係點解我今次會想送上門俾人sell呢，是咁的： 1. 最近我真係好需要做facial,, skin condition差到唔敢見人，好多暗粒好多上次黎m生瘡之後留下既印，而銀包亦無咩蚊ni.. 2. 一個我好鐘意睇既blogger (唔係beauty blogger黎架)透露佢最近去左per face到做laser脫毛.. 3. 最近per face廣告打很大.段估唔join course既都應該未至於禁錮我影我裸照掛.. 所以...我就膽粗粗上左去啦........ 入面既裝潢真係ok靚，係我最鐘意既粉紅同白既配搭。 牆到有好多城城女友 茶几到有兜糖，隻糖好好味..哈哈...可能我自己比較鐘意食糖....台上有個茶壺，坐係到等等下個時無啦啦會有個茶水阿姐走過黎斟茶俾你飲... 然後就要填番份form..有個面帶虛假笑容consultant同我對身份證. 之後入房有美容師幫我卸妝先..我問個美容師我淨間做treatment個時可唔可以影相，因為我有寫開beauty blog..個美容師就話哈哈好呀...過左一陣個美容師出左一出去..再入黎個時個虛假笑容consultant就同我講唔好意思..如果係beauty blogger既話要向佢地公司申請左先之類既說話..咁我就話好啦..咁我淨間唔影相啦...不過我都係有偷偷影下佢地店入面既裝潢。 房內裝潢 卸完妝就去另一間房到consultant幫我做皮膚分析..首先將個頭擺入個機器既洞到..有強光閃三次影相，然後就係電腦上面有分析..個consultant就話我主要問題都係色素沉澱..有幾粒斑但都無咩大礙既..呢個療程其實係果酸煥膚黎既，可以幫我迫埋底層d污糟野上面到，當然要明顯既改善要做4，5次到.。 過程：由於唔俾影相，所以過程我就純用文字同大家分享啦。由於呢個係果酸煥膚，所以佢幫我係眼周圍位置查左d野打底先，然後就幫我上果酸。佢話佢地用既係skin ceuticals既產品，度數係30%。因為我用Dr. Douxi個隻果酸之後個幾日會甩皮，但佢就話skin ceuticals 既係唔會甩皮既，而skin ceuticals既酸係乳酸黎既。 上皮膚之後佢話可能會吉吉地，其實我無咩感覺//可能我本身皮膚都比較厚。 幾分鐘之後，佢就噴一噴中和液，幫我洗走d果酸。 洗走果酸之後，佢指住我面到某個位話有白淨左，我乍看之下有覺得好似係有d白淨左。 之後佢幫我係面到敷左d B5 gel mask，敷緊個陣佢有按摩我個頭。個美容師全程都係到同我傾下d閒話，傾下d美容知識呀咁，無sell過我任何野，好friendly。 然後按左個頭幾分鐘之後佢就比低呢個機器我，叫我有咩事禁個制叫佢，然後佢就出左去啦 番入黎，佢幫我抹走d gel，再茶番d防曬，呢個Treatment就係咁啦。 之後去化妝間梳頭。個化妝間都幾靚架bor。 出番去之後，個consultant叫我簽番個名。然後我就準備俾佢sell我啦...點知佢無咩點sell，淨係因為有到我之前話想脫毛，同我講佢地而家脫毛做緊promotion，叫我可以考慮下。反而係我自己問佢頭先個treatment幾錢，其它laser treatment ，MTS個d幾錢幾錢咁。 P.S :頭先做個果酸treatment佢話join package既話會係6、7百蚊一次到。 不過有樣野唔好既就係，佢話佢地無price list既，我諗咁既話唔多唔少係會根據consultant睇人去海鮮價。 不過呢，我覺得個美容師周不時出去係同個consultant交流下，好似個美容師幫我卸妝個時佢問我係咪好驚，因為我眼皮係到震，之後個consultant幫我分析皮膚個時佢問我想知點解平時我無去開做facial..係因為驚既原因定其它？所以我覺得佢地無咩sell我可能係我有同個美容師講我而家做緊野同讀緊書，就快要交學費所以遲d先會搵facial package join..，又或者係一開頭我有話俾佢地知我有寫blog..所以佢地有所顧忌....！又或者係我太多心，佢地純粹唔hard sell....？! 第二日起身，面到下巴面頰多左d有米既粉刺仔。我諗係因為果酸迫左d污糟野出黎。 我上水貨店有見到skin ceuticals既果酸，我諗per face用既應該係紅圈個隻。不過1200蚊55ml都幾需要諗諗。所以我覺得今次去per face可以免費又唔洗勁俾人sell咁試做，有d俾我賺到既感覺。咁唔得架bor..咁樣會搞到我好想去其它美容院試下佢地d free trial treatment...我遲早實出事!!
