踏入二字頭 我係咪都要趁青春去做一件事呢 愈來愈多人一個人去旅行 一年前, 我就下定決心我要自己一個人揹背嚢去旅行 自己一個人去旅行 所有野都要靠自己 出發前 一定要做好功課 主張窮遊既我 當然搵廉航 住Hostel 好多人一知我自己去旅行就好似開左個發問大會咁.. 一個人去旅行咁危險...你仲要係一個女仔去喎 一個人去有咩好玩呀? 一個人去邊個幫你影相呀? 一個人你識路呀啦? 下刪一百字..其實都好多謝佢地咁關心我 第一站我揀左新加坡 係因為安全 溝通語言唔成問題 交通方便 新加坡主要用英文同普通話 所以唔使驚睇唔明 新加坡地方唔大 同香港島差唔多大小 其實拎住地圖都唔會盪失路呀啦 地鐵都去到哂好多出名既景點 住方面 我揀Hostel 一黎平好多 二黎又可以識下其他朋友 其實一個人去旅行 睇到既野會仲多.. 有旅伴一齊既時候你可能會掛住傾計而忽略左身邊既風景 一個人靜靜地可以留意到當地人平時生活既特色
