你好,我係一個90後既女仔,呢度將會紀錄我黎緊所發生既每件事,如我身體既變化同埋我生活改變。 我既興趣就係做GYM同食野,做左GYM都差不多有2年時間,但尼兩年我都好斷斷續續咁做;而食野方面,由我接觸左GYM之後就無以前咁食得咁濃味同埋中意食菜食生果。你問我有無六舊腹肌係咪好FIT好似外國D女仔咁有前又有後,答案係無,抱歉 :roll: 其實點解要又增肥又減肥,我知道其實咁樣做都會幾傷身,但我就係因為想做所以做。我由細個去到中一到都係個死肥婆,係去到中二三就落定決心減肥,但用左好多方法,又減肥藥又減肥膏又減肥茶又代餐又絕食又扣喉等等等,係未試過抽脂做手術,雖然最後都減到肥,但身體變得好虛弱,由好怕熱變到好怕凍,之後巧合既情況下接觸左健身運動,做做下就中意咗做GYM,會開始留意外國D健身男女又會開始上網睇關於健身既野,由食肉獸變成中意食菜食清淡野,其實最多謝就係每個願意花心機和時間教我做GYM既人 ;-) 特別是帶我接觸做GYM既你。 講番先,我原本既體重係110磅,黎緊會nonstop咁食再加上每日番工坐足8粒鐘,目標係130-140磅,我已經開始增肥好幾日,因為屋企個磅壞左,未知兒家幾磅,但已經FEEL到個人重左。 講咁耐食番知晚餐先 :-)