開心事所以要開ac同大家分享～（& 同埋喺屋企坐到好悶，想搵d嘢做 :p）我要做媽媽了！我同老公都好鍾意小朋友，結婚1年後已經開始備孕。但係事與願違，個肚完全係無反應，屋企人&朋友都幫我急埋一份。本身自己都間唔中會m痛，唔知關唔關事，所以走咗去睇中醫，中醫話我寒底，子宮比較寒，唔會咁易有，叫我要戒凍飲同埋一定一定要保暖。之後就開始漫長嘅飲中藥過程，一飲就飲咗2-3年，中間都換過唔少中醫，但無乜效。最尾聽個成功懷上嘅朋友推介去咗浸會大學睇李x光醫師 & 去咗purepxxx做內分泌療程。 李醫師睇診超級細心，d藥夾到我，飲完係有舒緩到m痛。內分泌療程係我嘅frd join咗覺得幾好，我試做完都覺得個人舒服咗d，就斷斷續續做咗3個月，每次做完，個身好似都會暖d。雖然唔知係咪咁啱都咁巧，但我好想多謝佢哋令我成功陀到。 5年真係一個好漫長嘅經歷，依家睇返轉頭都幾神奇，咁驚青嘅自己唔單止有勇氣去嘗試唔同嘅嘢，仲咁有堅持。雖然好辛苦/心理壓力都好大，但知自己懷孕果一刻會覺得所有嘢都好值得，依家淨係希望bb健健康康。我知對比好多姊妹，我等5年已經算係快，希望我嘅經歷鼓勵到大家唔好放棄，都希望所有備孕中嘅姊妹可以如願以償，儘快做準媽媽&有健康可愛嘅bb^^。
