20/5/2023 Day 2 本身plan左好多野想食, 不過都係訓覺重要d🤭中午出發食第一餐 - 風川鰻魚炭燒鰻魚之前聽就聽得多, 但未試過, 一於試下同日式鰻魚有咩唔同啦!風川鰻魚: 首爾市延南洞568-25 (연남동 568-25)營業時間: 11:30-22:20 (3:00-4:30休息)地鐵2號線弘大入口站2號出口, 步行5-8分鐘 去到下午1點左右, 係門外寫名等位, 要等2張枱, 好彩都唔算等太耐入面好簡單, 得一個大餐牌2條鰻魚72,000 won, 追加每條36,000泡菜冷面5,000 won白飯2,000 won其他係酒或飲品價錢*不過近排聽講加左少少價 如果太迷茫, 可以直接搵店員, 一般都會根據人數建議你order幾多條我地2人就叫左2條鰻魚加白飯菜, 配茶及醬料會自動送上仲有一個湯 唔洗擔心自己唔識燒, 店員會幫你燒好的, 到差唔多燒好時會搽上醬汁同落少少鹽未燒時望落都唔覺得有咩吸引, 但燒完又真係唔同哂樣喎 都算肥美, 當然未至於日式鰻魚咁, 但口感都唔錯, 唔會好瘦同有骨 用菜或紫蘇葉包住, 配搭甜醬汁或辣醬, 再按喜好加上泡菜、蒜頭、薑等一齊食鰻魚皮脆內軟, 真係唔錯, 絕對要一試~成餐飯大概HK$500-600 食完之後打算去棒球練習場玩下途經好多甜品鋪, 忍唔住入左donut店食🤣甜品係第2個胃!Hea完一陣再出發 棒球練習場: 首爾麻浦區西橋洞 360-15(서울특별시 마포구 서교동 360-15) (係弘大正門附近) (11:00-24:00)都有少少難搵, 因為係內街, 主要都係跟地圖行, 再加上憑住學左少少韓文而搵到 (好有成功感🤣)係大街會見到燈柱位掛住指示牌 “야구연습장”, 跟住佢指嘅方向行就岩喇 都唔係好多人, 唔係人地望住我打就尷了haha有分唔同速度嘅機, 當然新手都係玩下最慢先就算係最慢速嘅機, 我都睇唔切個波, 玩到第2次先開始捉到感覺而且枝棒都幾重, 玩4鋪倒就收皮 場內仲有籃球機同掟棒球機 之後再係弘大行下食下街邊檔同去近排好興嘅自拍館晚餐就係期待已久嘅韓牛😍我地去左馬場洞嘅馬場洞畜產物市場馬場站2號出口直行至加油站轉左, 直行一段路再轉右行就見到好大個牛頭喇, 步行約10分鐘 入到去經過一段路先到賣韓牛及即食嘅餐廳係地面揀一間你想食嘅韓牛及挑選部位, 再到上面餐廳燒, 餐廳會再收少少費用本身想搵番好多年前食過杜如風介紹果間, 幾好食的點知買錯左隔離果間! 上次食果間以前有好大個牌寫住"流行首爾", 但隔左咁多年個牌細左, 大家可以搵下今次食果間嘅牛就冇上次果間咁出色, 但還算不錯啦1++韓牛512g - 87,040won另外再加左2條五花腩, 2個人食真係飽到漏😂 食完再去左明洞Olive Young shopping一下, 有兩層都幾大幾好行, 但都真係好多人下 Day 2 End~