19/5/2023 Day 1 2點落機後係機場拎電話卡, 因為之前聽講韓國而家book位要有電話no, 咁就係klook買左張KT Olleh 5天data卡連電話no.(不連通話分鐘)$143, 網速都唔錯Counter都易搵, 都唔算等左好耐就拎到, 入卡就用到, 非常簡單https://www.klook.com/zh-HK/activity/16469-kt-olleh-4g-sim-south-korea/?spm=Wifi_Sim_Vertical.Activity_LIST&clickId=5798e8b626 出機場後係巴士票務站買利木津巴士6701號飛, 18,000 won 我地今次住Travelodge Myeongdong City Hall明洞市廳彩鴻酒店, 雙人房5日4夜HK$3,600係市廳站落, 車程約1個鐘上車時職員會問定係邊個站落, 方便安排行李擺放次序車上會有熒幕同廣播下車站名 落車點會係The Plaza酒店落車,向下圖方向直行 行到出去大馬路過對面, 再行入donut店右手邊條路 到第1個路口見到間酒吧, 向左轉直行少少就見到間酒店喇Btw google map既圖係唔update, 所以map上面係會見到另1間酒店的 大家係韓國可以用韓巢地圖或者KakaoMap, 我兩個app都有用因為係韓國用唔到google map的, 相信應該好多人都知不過我當年第1次去韓國真係唔識, 難怪google左好耐都去唔到目的地😂 酒店有個樓層有洗衣乾衣機房, 同埋1個食野既area有微波爐 房間都算大同企理, 亦近地鐵站 (市廳站7號出口) 近期大家都話去韓國要有番張wow pass, 有埋T money功能可以搭車用或者當信用卡咁比錢食飯, 因為話有部分餐廳唔收現金所以我地去附近既1間酒店有呢部機可以申請wow pass, 大家可去官網睇wow pass機位置https://www.wowexchange.net/exchange/location/list?lang=zh_TW 買完卡就可以即刻增值, 入港幣兌換韓幣增值都得, 但申請時要扣5,000 won註冊費可以download定app睇兌換率 我本身已有t money卡, 所以我整個旅程都只係用過一次wowpass, 就係去橋村炸雞用外賣機點餐時要插wowpass卡比錢不過好似可以直接叫店員落單比現金的其他地方其實都仲係可以比現金, 去廣藏市場時攤檔仲話唔收wowpass, 所以覺得冇wowpass都唔會太唔方便 花左D時間去攪wowpass後, 就出發去第1站 - 廣藏市場食晚飯喇~黎過幾次首爾都冇去過廣藏市場, 所以今次決定要去下 廣藏市場: 서울 종로구 종로4가 창경궁로 88 (88 Changgyeonggung-ro, Jongno-gu, Seoul, South Korea)地鐵鐘路5街站8號出口最近! 一出就見到市場 或2號線及5號線的乙支路4街站4號出口, 步行5分鐘左右 我地係乙支路4街站出, 行錯左另1邊入口, 入到只見人煙稀少, 等幾間小食店同賣布品的店, 仲以為閂哂門所以求其係一間小店度食左D辣炒年糕同飯卷, 好彩冇食得太飽咋 原來再行一段先到真正既食店街, 笑死完全唔同景象 綠豆煎餅, 好食! 有D似薯餅feel 我地本身好鐘意食刺身, 見到有幾檔食刺身的, 就是但揀左1間食 刺身配韓國醬, 同日本的唔太一樣, 可能係我地唔慣吧刺身係唔凍的, 有D刺身食落唔太新鮮咁, 所以都冇食哂😅 甜米露, 第一次飲, 都幾好飲, 甜甜地既糖水, 加有D一粒粒似薏米既野 糯米糖餅, 好好食, 甜甜脆脆咁, 入面有芝麻同砂糖 仲有因Netflix而出名左既餃子店 冷面OK, 不過餃子個人黎講不太喜歡, 入面D肉好碎, 口感同我地食開既唔同, 建議叫餃子麵先試下 仲有出名的米芝蓮生牛肉店, 但係得我一個食, 所以就冇去了但原來有間店係有一人份量的, 想食建議可去搵下成個市場都幾多野食, 未去過既真係要去下 之後就番酒店附近叫橋村炸雞食, 叫左大蒜醬油同辣味各半, 可惜外賣機冇得揀食雞腿的部分, 但都真係好好食, 仲送左罐可樂 不過留意番橋村炸雞的營業時間, 都幾早收, 明明第1日我成10點幾先買, 但之後既日子就算10點倒番到黎都見佢關左門, 不過好彩都食到一次🤣 Day 1 End~