19/2/2023 今日既早餐係Omakase - Sushi Tokyo Ten~網上介紹呢間餐廳嘅性價比唔錯，黎到日本冇理由唔食下Omakase嘅!餐廳有4間分店，我地揀咗渋谷分店，同之後嘅行程比較夾。由於下午有其他行程，所以要食最早果輪11點。雖然可以11點開門時直接walk in，但以防冇位所以都係book定穩陣D我地半個月前係官網預約左11點，網上預約價錢係7,700YEN，而家價錢已加至8,800YEN，直接walk in嘅價錢係4,400YEN。唔清楚野食係咪完全一樣，但爭一倍嘅價錢呢~4,400YEN的確係好抵，如果有時間可以直接去walk in等位。如果2人又早預約應該係坐bar枱，我預約時都唔記得request，好彩係有bar枱坐~ Sushi Tokyo Ten:預約網站: https://sushitokyo-ten.com/地址: 3, 21, 3-chōme, Shibuya, Shibuya City, Tokyo, JP (11:00-15:00、17:00-23:00)東京都渋谷区渋谷三丁目21-3号 渋谷ストリーム3F(副都心線>渋谷 C2出口) 我都係第一次去渋谷，所以出完地鐵都唔識行去，係附近兜左個大圈再問人先去到。上地面其實隔離已經係果幢大廈了，上地面後搭呢條電梯 再經條行人天橋入去，再上3樓就係喇。 由於搵路遲左10分鐘，預約時都有寫明只留10分鐘枱，好彩仲入到😅 去相! 壽司師傅仲識講中文介紹食物的 鮑魚都幾淋 白蝦幾好食 西京燒好嫩滑 拖羅還好, 有少少筋 海膽鮮甜 正當自為食完海膽就係食完，原來仲有 吞拿魚蓉手卷好好食! 我以前一路都唔覺得原來係咁好食，自此之後愛上~ 湯幾鮮甜 干飄卷，個人黎講唔識欣賞😬 最後以橙做總結 用餐時間約2個鐘，有二十多道菜，食極都仲未完，真係食飽左。質素唔錯，性價比高! 推薦~埋單加一，叫左2杯可樂承惠17,930YEN香港絕對唔只呢個價😂 食完出發去原宿竹下通行下，一出JR已經好多人喇~ 冇咩點影相，主要都係美妝店/小食店/扭蛋鋪/小型賣衫嘅商場黎到呢度一定要食下可麗餅，我地就食左Marion Crepes，都幾多人排隊 第一次食，冇咩太驚喜嘅感覺haha 行完就出發去三鷹之森吉卜力美術館，之前網上book左4點 (唔記得左當日關館時間係6點半定7點)購票教學可參考番我之前打嘅blog:https://blog.ulifestyle.com.hk/article/wtpotravel/4234807/%E6%9D%B1%E4%BA%AC-%E4%B8%89%E9%B7%B9%E4%B9%8B%E6%A3%AE%E5%90%89%E5%8D%9C%E5%8A%9B%E7%BE%8E%E8%A1%93%E9%A4%A8%E5%AE%98%E7%B6%B2%E8%B3%BC%E7%A5%A8%E6%95%99%E5%AD%B8 搭JR到三鷹站，可搭接駁車(約10分鐘內)或步行過去(15分鐘)。從南口出會見到指示牌，落完電梯向前行 望出車站位會見到有個白色牌寫住9號，果度旁邊有部綠色嘅機 係部綠色嘅購票機買車票就得，可以直接選買來回車票。 到達門口已有唔少人排緊隊入場喇 記得要帶Passport同Print out左嘅QR code先可以入場。到時會有張菲林片入場券的，值得留念~可惜我地果2張菲林片係唔熟悉嘅動畫 留意番室內有D部分係唔可以影相的，用眼睛觀賞👀 用張菲林片仲可以係入面睇場小小短片的，幾好睇~ 掛住行入面，都唔記得左天黑會影唔到天空之城個機械人! SAD~影極都係睇到個樣反哂光或者黑蚊蚊，本身仲諗住同呢個兒時回憶影相，失策! 🥲所以遲黎嘅朋友記得趁天未黑去室外影相先呀~ 最後都買左個小小機械人，好精緻呀~ 由於第2日又要早起，求其食左D野就完了，不過完全冇哂印象食左d咩hahaDay 3 END~
