18/2/2023又係神早起身的一天 出發前十日係KLOOK買左箱根2日周遊券(HK$346), 包哂往返車票, 及可自由搭乘箱根8種交通工具, 去某D觀光設施仲有票價優惠。因為未去過, 所以好多交通工具都唔知點搭, 所有詳情可睇小田急線嘅網頁介紹:https://www.odakyu.jp/tc/passes/hakone/雖然我只係去一日, 但計過都已值回票價, 而且唔洗每去一個地點買一次票https://www.klook.com/zh-HK/activity/821-hakone-transport-day-pass-tokyo/?spm=SearchResult.SearchResult_LIST&clickId=3b619a4a06周遊券包去及回程車的急行線, 即係由出發地點至小田原站的急行線, 到小田原站需再轉車到箱根湯本, 車程一共需約2小時。如果唔想轉黎轉去同快D, 可加錢搭小田急浪漫特快(由新宿出發, 加1,150YEN), 車程只需80分鐘可網上預約一個月內嘅浪漫特快, 或到時直接加錢購買。但怕到時會冇哂位, 所以我先係網上預訂及揀位, 網頁有中英版本, 簡單易明, 可揀選唔同班次睇下有咩位https://www.web-odakyu.com/e-romancecar/vacantSeatInquiry/input?STICKY=11074網上見有人會一早預約新車VSE5000或7000的型號, 車頭車尾有展望席, 車頭/尾冇阻擋可沿途欣賞風景。我買果陣已經一早比人買哂, 所以都係揀自己啱嘅班次坐, 型號EXE10,網上比埋錢, 直接列印購買內容就已經係車票喇~網頁話用電話SHOW出黎都得, 但覺得印埋出黎穩陣D因為要換取周遊券, 當日需要比搭車嘅時間早D到達"新宿西口B1小田急旅遊服務中心", 以免遊客多需要排隊。而且新宿站比較大, 都花左少少時間搵路, 行左一段時間先到服務中心。留意番旅遊服務中心開放時間係8:00-18:00, 我搭9點車, 換完周遊券都時間充足, 可以係隔離嘅店舖買早餐上車食。 就係用呢張券乘搭箱根嘅交通工具 7-11買左2個幾好食嘅pancake, 一個豆沙+CREAM, 一個CHEESE+CREAM 另外, 因為我未買回程車票, 所以可係服務中心問職員拎定時刻表, 職員會講國語的 到達箱根湯本喇 附近有D手信鋪, 可周圍行下 打卡點 - 早川河嘅繡球橋 遠少少仲有棵開左嘅櫻花樹 本來想去湯葉丼 直吉試下, 點知一開門已經排緊隊了, 時間不多所以冇食。由於對美術果d都冇咩興趣, 一日遊時間又唔多, 所以skip哂直去大涌谷。首先搭登山電車到強羅(約40分鐘) 轉搭登山纜車去早雲山 再轉ropeway空中纜車去大涌谷!由於當日空中纜車嘅回程停駛, 所以從大涌谷離開時要轉乘shuttle bus, 好彩去程都有得搭!可於出發前到官網查看有冇特別停駛嘅情況https://www.hakonenavi.jp/international/cn/status_information 係3000年前火山爆發過, 形成左硫磺噴口同温泉, 後來亦都變左觀光景點 - 大涌谷搭空中纜車時已經聞到陣硫磺味, 見同好多小小火山口噴出白煙, 好壯觀 搭纜車都見到富士山~ 到達大涌谷 一場黎到一定要食由溫泉池煮熟嘅蛋, 因為硫磺嘅關係, 蛋殼變左黑色, 入面係平時咁。據說食完會延年益壽, 哈哈, 食落其實同平時D蛋冇分別。 仲有黑色雪糕(牛奶味), 食完成個口都係黑色haha係咁凍又咁大風嘅環境下食真係好錯, d頭髮吹哂落d雪糕度=.= 上左山真係凍好多, 食完又衝入手信店回暖一下 係停車場位置, 仲可以見到富士山呀~我之後嘅行程都會去的!!😎 係商店外, 即停車場對面轉乘shuttle bus去蘆之湖 (桃源台), 搭海賊觀光船搭shuttle bus嘅指示都好清晰, 唔洗怕搵唔到 觀光船仲可以加錢升級坐豪華一點嘅船倉, 佈置都會靚D, 亦可以行去船頭, 但個人覺得冇必要 天氣唔錯, 只係間中有少少烏雲, 湖景又好靚舺板上有幾張櫈可以坐係度欣賞湖景 另一隻船 到達元箱根港落船, 網上大多數人都會去鳥居打卡, 但考慮到行入去都要十多分鐘, 而且番新宿都需時, 所以附近影下相就回程了 碼頭入面有回程嘅巴士時刻表同路線圖搭巴士記得要預早少少等車, 因為都多人等車走, 同埋巴士只得一層, 有機會上唔哂所有人的車程都比較長, 太多人嘅關係我都企左半個鐘車🥲 因為回程唔想再加錢, 所以直接係小田原搭急行番新宿。車站內有客服中心, 唔識睇班次可以入去問職員。急行車廂好似平時搭地鐵咁, 好彩唔多人, 有位坐的, 不過真係要搭2個鐘,而且天氣凍嘅關係, 櫈下有暖氣吹住對腳, 但車廂又開左窗, 又凍又熱咁,又途經好多個站, 訓左好多轉都未到目的地, 所以坐方面的確係浪漫特快坐得舒服好多。番到新宿都已經7點幾了, 雖然好早出發, 冇去到美術館/小王子館, 但一日遊嘅行程都係岩岩好夠行基本野, 已經好充實了~晚餐去左成日都見到嘅磯丸水產一試, 海鮮唔錯, 刺身類都好新鮮, 其他熟食類就正常雖然唔記得左幾錢, 但食海鮮黎講價錢一D都唔貴 DAY 3 END~
