疫情咁耐, 好耐都冇去過旅行喇!今次真係好期待, 不過太耐冇旅行, 將行程plan得太充實 haha 16/2/2023 Day 1落機後竟然排1個鐘先入到境但聽講近排仲誇張, 1個鐘原來算少了本身預計想搭嘅車都已經趕唔切, 好彩冇bk到姐我地一連七日都係住東新宿, 所以最後選擇左搭NEX, 來回車票4,070yen(連劃位)回程飛可以係JR車站的售票機上劃位, 操作簡單, 可以係客服中心問佢地拎指南 NEX車程1.5小時, 雖然比Skyliner耐25分鐘, 但Skyliner一程約要2,470yen, 性價比冇咁高拎完行李後沿住"鐵道TRAIN"指示牌落電梯到買車飛嗰層,買NEX的話千祈唔洗係JR東日本旅遊中心排隊, 一定大排長龍, 大多都係買幾日行程JR飛的旅客行去搭JR旁邊的櫃位買NEX車票就可以了, 條隊都郁得快d counter附近仲可以買埋Suica交通卡, 但留意番呢張係for旅客的, 只有28日限期, 所以離開日本前記得用埋裡面d錢呀 (我最後唔記得左用, 可惜下次冇得用了)for旅客的Suica卡係唔需要俾押金, 即係買1,000yen就係有1,000充值額係卡入面唔常去日本的朋友可以選呢張, 張卡又可以留念 搭NEX去到新宿都已經差唔多8點, 由於入境耐左失左預算, 以為去唔切訂左嘅燒肉店 - 花炎,好彩係新宿站附近有自助行李寄存點, 即刻放低行李去食晚飯!認住以下出口: 燒肉店本身都想介紹下, 可惜岩岩上網查到已關店了, 可惜! 今次住嘅酒店係東新宿E酒店, 係地鐵東新宿A1出口行幾步就到了, 非常方便但係酒店真係太細了, 開2個29吋喼嘅一半已經冇路行如冇budget的情況下都可以選擇, 用HSBC卡有優惠後約$600/晚不過冬天去酒店只能開暖氣, 令房間非常熱, 完全冇得較fan/冷氣, 只能開窗, 但係即使我住得較高樓層, 夜晚關窗時都會間中聽到消防車定救護車聲, 其他方面還好附近都有多間便利店 - 7-11/family mart/lawson, 亦有好幾間餐廳 17/2/2023 Day 2 一早9點多出發去築地市場, 因為之後打算去台場, 所以買左地鐵一日券(地鐵外的售票機買就可以) 築地市場真係建議一早去, 唔係只會排隊排死係A1出口向右行一段路就會見到了, 去到第一站食黑銀, 相信好多人都認識呢間店係食吞拿魚一早去都唔算太多人排, 10分鐘就排到, 果然名不虛全, 真係好好食!平時我唔太鐘意食赤身, 但今次食完後完全改觀!十分推薦一試! 丸武玉子燒, 快靚正, 味道比較甜, 個人較喜歡 腐皮包壽司, 仲有店員拎住模型出黎招客, 俾賣相吸引左, 但係海膽同三文魚子唔太新鮮, 唔推薦 丸武旁邊有間鐵板燒, A5和牛串貴係貴左D, 但真係幾好食的, 唔係扮和牛 另外叫左個牛肉湯, 有埋烏冬的, 都算唔錯, 入面嘅牛都係和牛 山長玉子燒都好多人排隊, 味道同丸武不太一樣, 蛋香比較重, 各有各特色 之前上網已經見呢間蝦片/魷魚片即場整好似好特別咁, 所以就開始了排隊人生.....建議想食的話, 一早黎到先去呢度睇下會唔會唔係咁長龍, 因為只有一位老闆2部機續塊做, 所以真係製作非常需時, 一排就排左1個半鐘=.=如果要排咁耐真係非常唔建議, 味道冇咩特別, 係製作過程吸引排完個蝦片都已經12點半了... 黎到日本必買士多啤梨, 又大又甜 明太子可樂餅 海膽好食, 生蠔普通 食飽就出發去台場喇~地鐵搭去汐留, 再轉百合海鷗號 ゆりかもめ搭到台場天氣好好, 瘋狂影相haha 多啦A夢未來百貨: Diver City 2樓 入面有個小小室內設施可以體驗一下, 需買多啦A夢銀幣玩小遊戲當然都留左一個留念~店入面仲可以寫postcard幫你係未來日子寄出 Diver City地下亦有food court食野 最高的2層有機鋪同Round 1娛樂運動中心可以玩, 不過時間關係淨係係機鋪玩左陣就走了上網見入面有唔少遊戲可以玩大半日呢, 下次有機會一定要再黎玩!https://www.round1.co.jp/shop/facility/tokyo-divercity-eng.html Diver City另一邊入口外面 晚餐去左酒店附近食coco咖喱飯, Day 2 end~