16/2/2020去得北九州點都要買JR PASS架啦, 點計都係抵好多所以一早係Kkday買左北九州3天JR PASS (HK$574)一路以黎我都覺得日本交通好難明, 亦都睇左一段時間先明希望以下少少資訊解答到大家到達既第一日已先去博多站兌換JR PASS, 記得必需帶網上買PASS既信用卡, 護照及「電子憑證」(要PRINT出黎)http://www.jrkyushu.co.jp/chinese/railpass/how_to_purchase.html3日PASS可免費係counter劃10次指定席, 大家可以先係出發前填寫呢張表格, 諗定買咩班次, 當然去到填亦可以http://www.jrkyushu.co.jp/chinese/pdf/reservedseat_app.pdf由於第三日行程係會去由布院, 網上又有人話好易會full, 因為搭由布院之森既班次唔多, 所以我出發前已係網上預訂左座位, 但每人需比左1000yen手續費的網上預訂只係開未來一個月既班次, 所以自己預番時間喇教學: https://www.jrkyushu.co.jp/chinese/booking/manual_b.pdf有關班次可睇番官網既時刻表http://www.jrkyushu.co.jp/chinese/time_table/time_table.html可能係今次疫情關係, 所以都唔算好full如果想知仲有幾多位剩, 可以網上扮預訂禁入去睇的我地Day 1已預劃哂黎緊幾日既班次同座位, 唔預劃指定席亦可到時即場買的(前題係有位)因為驚漫長車程冇位坐, 所以預劃定冇死, 而且有10次機會交通方面我覺得Japan Transit Planner呢個app係最好用, 又係中文介面大家可以用呢個app幫助plan, 可睇到當日用邊個方法最快到達目的地, 幾點有車/轉咩線/轉咩車都好清楚 講番呢一日去門司港先, 北九州PASS係唔包搭山陽新幹線, 但係可以由博多搭去小倉即係點?睇下面個圖應該明D 博多去小倉呢個站係豁免, 其餘既山陽新幹線既站就用唔到呢個PASS首先由博多搭去小倉(已劃位), 再轉鹿兒島線搭4個站到門司港, 因為係自由席, 所以無須劃位, 用JR PASS入閘就OK喇 到達後往北出口, 搭船去下関 - 唐戶市場留意番唐戶市場係星期日先開, 記得注意番開放時間呀https://www.gururich-kitaq.com/kanmon/cn/detail/index.php?id=97&app=0當日真係勁大雨又大風, 真係擔遮都冇用, 好狼狽所以影得好濛HAHA 碼頭係用自動售票機的點擊圖片放大 +2 本身係可以係每間鋪散買壽司的, 但咁既時勢當時仲有好多人唔帶口罩, 所以都唔敢買望落真係幾正咁~ 但一場黎到福岡又冇理由唔去, 所以選擇左食二樓既迴轉壽司店可能係我地揀錯鋪, 十分麻麻, 有D魚生仲腥腥地 其實都有聽過人話呢度唔係D人講得咁好食, 只係好普通(指散買), 但我唔知啦冇試過不過有一樣野我係有試, 就係海膽!!貌似唔錯, 唔貴的, 但都冇諗到咁衰相機食先果陣真係好開心, 自己食完果下完全覺得食左ssssssss咁.....真係冇哂食慾, 真係笑到喊 食一啖已經可以完==果陣味真係徘徊左係個口好耐....出左市場後, 為左平衡下心理食左附近既一間雪糕, 海鹽味雪糕唔錯周圍都有D小商店行同買手信呢度只係行左2個幾鐘, 比我預期中早行完, 如果本身係周圍買下壽司食應該會花多D時間我地對門司港其他地點都不大興趣, 所以選擇左去小倉既旦過市場一帶行下旦過市場: 4-chōme-2-18 Uomachi, Kokurakita-ku, Kitakyushu, Fukuoka 802-0006入面仲有Daiso, 真係去日本必行haha, 車站附近亦有商場番博多後, 夜晚就去左MARK ISMARK IS福岡ももち : 福岡縣福岡市中央區地行浜2-2-1(唐人町站行十幾至二十分) (close at 21:00)建議識搭巴士一定要搭巴士, 因為我地係地鐵出口行過去, 行左差唔多成20分鐘 (網上介紹話係9分鐘)沿途穿插住宅小巷, 街道亦非常暗, 加上勁凍MARK IS係一個大型商場, 有Adidas, GU等等時尚商店, 底層仲有超市HalloDay, 幾大的, 可以買下水果同零食成個商場都幾好, 缺點真係行太遠, 唔知會唔會係我唔識行, 但我已經冇行冤枉路回程時見有巴士寫去博多, 即刻求其搭一架晚餐番中州食暖暮拉面地址:4 Chome-7-20 Nakasu, Hakata Ward, Fukuoka, 810-0801 (11:00-5:00)(中洲川端站徒步約3分) 拉麵我冇咩研究, 但唔錯的, 另外個餃子又係好食, 不過冇小金屋台果間咁好呢個TRIP之後愛上左餃子了Day 2 end~
