21/2/2019 Day 2距離寶島 53 行館十分鐘步程就係南投客運台中干城站而且係第一站, 所以位置點都多D前一日已問左要出發當天去排隊拎籌以先到先得上車所以可當天去買票, 但真係要早D, 因為早少少去已經滿哂, 要搭下一班記得係去COUNTER拎籌先排隊可去官網參考班次:http://www.ntbus.com.tw/tour-sml.html同埋有不同套票可選:http://www.ntbus.com.tw/package.html順帶一提, 可拎完籌去食個早餐先附近有間早餐店幾好食!好似得佢呢間, 我差唔多日日都食 好鐘意食呢個乳酪餅, 芝士火腿或配煙肉, 裏面有青瓜同沙律醬, 個薄餅好脆 YUMMMM諗起都想食 入番正題, 呢個干城站究竟點行, 我未去前都上網睇過人教, 其實一句講哂google map幫到你 我見好少人會去九族文化村, 介紹下呢個可以話係一個主題樂園咁https://www.nine.com.tw/主要有九個族既模擬部落, 介紹原住民文化, 有好多部落既遊戲或表演又有機動遊戲, 所以成個園都幾大下通常見人地會玩成日, 所以好少會同日月潭一齊去但今次我想去既主因係2-4月有櫻花祭, 未睇過櫻花所以想去下套票會包日月潭纜車票, 又係必搭,而且玩會係最費時, 所以去九族文化村玩完先, 再搭纜車去日月澤要留意唔係班班都去九族文化村的, 由於我地拎唔到最早果班籌, 所以搭左8:45 落車後向車入口方向行會有兌換入場卷的counter點擊圖片放大 之後跟住地圖沿車路要行十五分鐘先到達真正入口, 沿途已見到有櫻花了~ 其實夜晚仲有個睇夜櫻既環節, 應該會好靚, 但冇時間睇點擊圖片放大 場內有好多小學生, 應該係學校旅行吧玩左兩個機動遊戲再行入去沿途見到既小部落點擊圖片放大 +4 之後就去櫻花林睇我最想睇既櫻花!!真係好靚~影相用影左好耐點擊圖片放大 時間真係好難預, 礙於仲要去日月潭, 而回程車又係先到先得, 所以我1點半就搭纜車了其實園內仲有好多野行, 又有櫻花湖 (要行好入), 經過我去完既心得, 可以遲多1個鐘走有水晶纜車同一般纜車, 當然揀水晶啦, 即係纜車地下係透明 沿途風景, 可惜天陰陰 好快到達伊達邵, 冇咩好睇, 因為個潭好臭 沿路行出去都係冇咩鋪開, 碼頭得幾間小食店開門對玄光寺冇咩興趣, 好快就搭船去番日月潭點知都係冇野行的.......唔知關唔關平日事去搭回程車的指示唔係好清晰, 出左碼頭沿大馬路行左邊一路會見到D回程車行同一方向的去到已見好多人, 所以要企係度排隊等車, 我要等第二班先上到好似搭4點幾車, 番到都6點幾了總結日月潭好似冇咩行咁, 可能唔係假日冇咩氣氛, 亦見有人會係果度踩單車享受下HEA下的到此一遊就好了, 我反而推介九族文化村, 幾好行又有得玩Day 2 end~